🔥 TRENDING ખેડા જિલ્લાના પ્રવાસના બીજા દિવસે માનન... India Today publishes feature “When nu... Reading Sonia Gandhi’s Autobiography i... ખેડા જિલ્લાના પ્રવાસના બીજા દિવસે માનન... સાબરકાંઠામાં ગૃહમંત્રીના આદેશથી ડ્રગ્સ... ખેડા જિલ્લાના પ્રવાસના બીજા દિવસે માનન...
21 Nov 2026•
ગુજરાતી मराठी ਪੰਜਾਬੀ বাংলা
કેન્દ્રિય રેલ મંત્રીએ સાબરકાંઠા અને અરાવલ્લી માટે મહત્વપૂર્ણ રેલવે વિકાસ માંગણીઓ સાંભળ્યા
Local

કેન્દ્રિય રેલ મંત્રીએ સાબરકાંઠા અને અરાવલ્લી માટે મહત્વપૂર્ણ રેલવે વિકાસ માંગણીઓ સાંભળ્યા

✍️ Reporter: Ranjanben Dharmendrbhai Panchal 🗓 08 Aug 2026, 10:10 AM 👁 130
Share: 💬 WhatsApp 📘 Facebook 𝕏 Post

સાબરકાંઠા અને અરાવલ્લી જિલ્લાના નાગરિકો, વેપારીઓ અને વિદ્યાર્થીઓની સુવિધા માટે કેન્દ્રિય રેલ મંત્રી શ્રી અશ્વિની વૈષ્ણવ સાથે મહત્વપૂર્ણ માંગણીઓ રજૂ કરવામાં આવી છે.

સાબરકાંઠા અને અરાવલ્લી જિલ્લામાં રેલવે વિકાસ માટે કેન્દ્રિય રેલ મંત્રીએ મહત્વપૂર્ણ માંગણીઓ સાંભળ્યા છે. નાગરિકો, વેપારીઓ અને વિદ્યાર્થીઓની સુવિધા માટે, નવી 'વંદે ભારત' અથવા 'સ્લીપર એક્સપ્રેસ સુપરફાસ્ટ ટ્રેન' શરૂ કરવાની માંગણી કરવામાં આવી છે, જે અમદાવાદ (અસારવા)થી હિમ્મતનગર, શામલાજી, ઉદયપુર અને જયપુર મારફતે નવી દિલ્હી સુધી જાશે. આ ટ્રેન ગુજરાત અને રાજસ્થાનના લોકો માટે વધુ સારી કનેક્ટિવિટી પ્રદાન કરશે, જે સાથે જ વેપાર અને પ્રવાસને નવી ગતિ આપશે.

'ગુજરાત મેલ'ને દેહગામ અને હિમ્મતનગર મારફતે ખેડબ્રહ્મા સુધી વિસ્તરણ કરવાની ખાસ માંગણી કરવામાં આવી છે. આથી, વિસ્તારમાંના વેપારીઓ, વિદ્યાર્થીઓ અને નિયમિત મુસાફરોને વધુ સુવિધા મળશે, અને તેઓ બડોદરા, સુરત, વાપી અને મુંબઈ સુધી સીધી અને સરળ કનેક્ટિવિટી મેળવી શકશે.

અસારવા-ઉદયપુર વંદે ભારત એક્સપ્રેસના વિસ્તરણની પણ માંગણી કરવામાં આવી છે, જેમાં ટ્રેનના પ્રસ્થાનનો સમય સવારે 6:00 થી 7:00 વાગ્યા વચ્ચે રાખવાની વિનંતી કરવામાં આવી છે, જેથી દૈનિક મુસાફરો, વેપારીઓ અને પર્યટકોને મુસાફરીમાં વધુ અનુકૂળતા મળી શકે.

મહાદેવપુરા, જાદર અને વડાલી રેલવે સ્ટેશનોના પ્લેટફોર્મની લંબાઈ 150 મીટરથી વધારીને 300 મીટર કરવા માટેનો પ્રસ્તાવ પણ રજૂ કરવામાં આવ્યો છે, જેથી ત્યાં મેમૂ (MEMU) ટ્રેનો સરળતાથી રોકાઈ શકે.

અસારવા-ઉદયપુર ટ્રેક પર પશુઓની દુર્ઘટનાઓને રોકવા માટે બાઉન્ડ્રી ફેન્સિંગ બનાવવાની માંગણી કરવામાં આવી છે. તેમજ, ખેડબ્રહ્મા થી હડાદ (રૂપપુરા) વચ્ચે 24 કિમી લાંબી નવી રેલવે લાઇનના સર્વેનું કાર્ય પૂર્ણ કરી, તેનો આર્થિક અંદાજ રેલવે બોર્ડને મોકલવામાં આવ્યો છે. આ ત્વરિત કાર્ય માટે મંત્રીજીનો આભાર વ્યક્ત કરવામાં આવ્યો છે.

માનનીય પ્રધાનમંત્રી શ્રી નરેન્દ્ર મોદી સાહેબના નેતૃત્વમાં કેન્દ્ર સરકાર અને રેલ મંત્રાલય અમારા વિસ્તારમાં વિકાસ માટે સકારાત્મક દૃષ્ટિકોણ સાથે કાર્ય કરી રહ્યા છે.
📲Get App