🔥 TRENDING Bollywood Rolls Out Grand Mythology Fi... Tariq Says Marvel’s ‘Blade’ Reminds Hi... जनगणना 2027 तहसीलदार अमित कुमार सिंह न... Delhi University conducts 103rd Convoc... Udne Ki Aasha Episode on 21 Nov 2026 H... Tripura Congress to Relaunch Agitation...
21 Nov 2026•
ગુજરાતી मराठी ਪੰਜਾਬੀ বাংলা
ભાવનગરમાં PM ઇ-બસ સેવામાં મોટો ખેલ: નકલી નોટો આપીને મુસાફરી કરતા ઠગ્સ, કંડક્ટરોને નુકસાન
Local

ભાવનગરમાં PM ઇ-બસ સેવામાં મોટો ખેલ: નકલી નોટો આપીને મુસાફરી કરતા ઠગ્સ, કંડક્ટરોને નુકસાન

✍️ Reporter: Makvana Jaydip 🗓 30 Jul 2026, 11:51 AM 👁 157
Share: 💬 WhatsApp 📘 Facebook 𝕏 Post

ભાવનગર શહેરમાં PM ઇ-બસ સેવામાં મુસાફરોની ભારે ભીડનો લાભ લઈને કેટલાક શખ્સો દ્વારા ડુપ્લીકેટ (નકલી) ચલણી નોટો ચલાવવામાં આવી રહી છે.

મુસાફરોની ભારે ભીડનો ગેરલાભ લઈને ગજાબાર ઠગાઈ કરતા શખ્સો સક્રિય.
કંડક્ટરોએ પોતાના પગારમાંથી નુકસાનની ભરપાઈ કરવી પડી રહી છે.
ભાવનગર શહેરની જાહેર પરિવહન વ્યવસ્થામાં સુરક્ષા સામે ઉઠ્યા સવાલો

ભાવનગર શહેરમાં તાજેતરમાં શરૂ થયેલી અત્યાધુનિક PM ઇ-બસ સેવામાં મુસાફરોની ભારે ભીડનો ગેરલાભ લઈ કેટલાક ઇસમો દ્વારા ડુપ્લીકેટ (ખોટી) ચલણી નોટો ચલાવવામાં આવી રહી હોવાના બનાવો સામે આવ્યા છે. આ ઘટનાઓને કારણે જાહેર પરિવહન વ્યવસ્થા અને તંત્રમાં ભારે ચિંતાનો માહોલ છવાઈ ગયો છે.

બસમાં મુસાફરોની ભારે ભીડને કારણે નોટોની તાત્કાલિક ચકાસણી કરવી શક્ય બનતી નથી. જેનો ફાયદો ઉઠાવીને બદમાશો નકલી નોટો આપીને ટિકિટ મેળવી રહ્યા છે. બાદમાં દિવસના અંતે હિસાબ કરતી વખતે નોટો શંકાસ્પદ કે ડુપ્લીકેટ હોવાનું ધ્યાને આવે છે, ત્યારે તે નાણાકીય નુકસાનની ભરપાઈ કંડક્ટરોએ પોતાના ખિસ્સામાંથી અથવા પગારમાંથી કરવી પડી રહી છે.

કંડક્ટરોમાં રોષ અને સાવચેતી:
જાહેર પરિવહન સેવામાં આ પ્રકારે ડુપ્લીકેટ નોટો ચલાવવાની ઘટનાઓ માત્ર કર્મચારીઓને આર્થિક નુકસાન નથી પહોંચાડી રહી, પરંતુ સમગ્ર બસ વ્યવસ્થાની વિશ્વસનીયતા પર પણ સવાલિયા નિશાન ખડા કરી રહી છે. ઉપરોક્ત બે બનાવો સામે આવ્યા બાદ હવે ભાવનગરના તમામ PM ઇ-બસના કંડક્ટરો ભારે સાવધ થઈ ગયા છે અને મુસાફરો પાસેથી નાણાં સ્વીકારતી વખતે વધારાની તકેદારી રાખી રહ્યા છે.
📲Get App