ધાંગધ્રા: કુંભારપરા વિસ્તારમાં PGVCL ટ્રાન્સફોર્મર આજુબાજુ ઉગી નીકળેલી ઝાડીઓથી શોર્ટ સર્કિટનો ભય, સ્થાનિકોની સફાઈની માંગ

ધાંગધ્રા શહેરના કુંભારપરા વિસ્તારમાં રહેણાંક વિસ્તારોની નજીક બિએસેનલની ઓફિસ પાસે આવેલું એક વીજળીનું ટ્રાન્સફોર્મર જોખમી બન્યું છે. ટ્રાન્સફોર્મરની ફરતે મોટા પ્રમાણમાં ઝાડીઓ અને ઘાસ ઉગી નીકળ્યા છે, જેના કારણે શોર્ટ સર્કિટ થવાનો ભય છે. આ પરિસ્થિતિ સ્થાનિક રહેવાસીઓ માટે ચિંતાનો વિષય બની છે.

સ્થાનિક નાગરિકોના જણાવ્યા અનુસાર, ઉગી નીકળેલી ઝાડીઓ વીજળીના વાયરોને સ્પર્શી શકે છે, જે આગ લાગવા અથવા શોર્ટ સર્કિટ જેવી દુર્ઘટનાને નોતરી શકે છે. ખાસ કરીને બાળકો અને વૃદ્ધો માટે આ જોખમ વધુ ગંભીર બની શકે છે. આ અંગે તંત્રને જાણ કરવામાં આવી છે અને તાત્કાલિક ધોરણે ઝાડીઓની સફાઈ કરવાની માંગ કરવામાં આવી છે.

લોકોએ જણાવ્યું છે કે, જો આ ઝાડીઓની સમયસર સફાઈ કરવામાં ન આવે તો કોઈ મોટી દુર્ઘટના બની શકે છે. તેથી, PGVCLના અધિકારીઓ આ બાબતે તાત્કાલિક ધ્યાન આપીને ટ્રાન્સફોર્મરની આસપાસની સફાઈ કરાવવામાં આવે તેવી અપેક્ષા રાખવામાં આવી રહી છે.
રિપોર્ટર સિકંદર ભટ્ટી ધાગધ્રા