पिंपरी-चिंचवडमध्ये पोलिसांचा धडाका! ४१५ मॉडिफाइड सायलेन्सर आणि ५९१ अनधिकृत फॅन्सी नंबर प्लेट्स जप्त

पिंपरी-चिंचवडमध्ये पोलिसांचा धडाका!

४१५ मॉडिफाइड सायलेन्सर आणि ५९१ अनधिकृत फॅन्सी नंबर प्लेट्स जप्त

पुणे जिल्हा रिपोर्टर | ७ ऑक्टोबर २०२६

पिंपरी-चिंचवड वाहतूक पोलिसांनी वाहनांमध्ये अनधिकृत बदल करणाऱ्यांविरोधात मोठी कारवाई केली आहे. विविध मोहिमांदरम्यान ४१५ मॉडिफाइड सायलेन्सर आणि ५९१ अनधिकृत फॅन्सी नंबर प्लेट्स जप्त करण्यात आल्या.

जप्त केलेल्या मॉडिफाइड सायलेन्सरवर रोडरोलर फिरवून त्यांचा नाश करण्यात आला, तर अनधिकृत नंबर प्लेट्सही नष्ट करण्यात आल्या.

मॉडिफाइड सायलेन्सरमुळे मोठ्या प्रमाणात ध्वनिप्रदूषण होत असून त्याचा त्रास लहान मुले, ज्येष्ठ नागरिक आणि गर्भवती महिलांना होऊ शकतो. नागरिकांच्या तक्रारीनंतर पोलिसांनी ही कारवाई अधिक तीव्र केली आहे.

वाहनधारकांनी फक्त कायदेशीर HSRP नंबर प्लेटचा वापर करावा आणि अनधिकृत फॅन्सी नंबर प्लेट्स तसेच मॉडिफाइड सायलेन्सर टाळावेत, असे आवाहन वाहतूक पोलिसांनी केले आहे.

दुकानदार व मेकॅनिकांनाही इशारा:
बेकायदेशीर मॉडिफाइड सायलेन्सर बसविणाऱ्या दुकानदार आणि मेकॅनिकांवरही कठोर कायदेशीर कारवाई केली जाईल.

पोलिसांचा स्पष्ट संदेश — वाहनांमध्ये नियम मोडाल, तर कडक कारवाईला सामोरे जावे लागेल!