ગાંધીનગરના કલોલ-માણસા હાઈવે પર આવેલા ONGC પ્લાન્ટમાં ભીષણ આગ

ગાંધીનગર જિલ્લાના કલોલ-માણસા હાઈવે પર આવેલા ONGC પ્લાન્ટમાં આજે વહેલી સવારે અચાનક ભીષણ આગ લાગવાની ઘટના સામે આવી છે. પ્લાન્ટમાં આગ લાગતાની સાથે જ વિસ્તારમાં ભારે દોડધામ અને અફરાતફરીનો માહોલ જોવા મળ્યો હતો.

ઘટનાની જાણ થતાં જ ફાયર બ્રિગેડની ટીમો તાત્કાલિક ઘટનાસ્થળે દોડી આવી હતી. ફાયર ફાઈટરો દ્વારા આગ પર કાબૂ મેળવવા માટે યુદ્ધના ધોરણે પ્રયાસો હાથ ધરવામાં આવ્યા હતા.

હાલમાં ફાયર વિભાગની ટીમ દ્વારા આગને સંપૂર્ણપણે ઓલવવા માટેની કામગીરી ચાલુ છે. આ ઘટનામાં કોઈ જાનહાનિ કે નુકસાન અંગેની વિગતો હજુ સુધી સ્પષ્ટ થઈ શકી નથી.