Weather
ସମ୍ଭାବ୍ୟ ବାତ୍ୟା ପାଇଁ ଗଞ୍ଜାମ ଜିଲ୍ଲା ପ୍ରଶାସନ ସଜାଗ: ଅକ୍ଟୋବର ୨୯ ଯାଏଁ ସମସ୍ତ ବେଳାଭୂମି ବନ୍ଦ, ODRAF-NDRF ମୁତୟନ
ଛତ୍ରପୁର: ରାଜ୍ୟରେ ସମ୍ଭାବ୍ୟ ବାତ୍ୟା ପରିସ୍ଥିତିକୁ ଦୃଷ୍ଟିରେ ରଖି ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ପ୍ରସ୍ତୁତି କାର୍ଯ୍ୟ କ୍ରମାଗତ ଭାବେ ଜୋରଦାର କରାଯାଇଛି। ସୁରକ୍ଷା ପଦକ୍ଷେପ ସ୍ୱରୂପ ଜିଲ୍ଲାର ସମସ୍ତ ସମୁଦ୍ର ବେଳାଭୂମିକୁ ଅକ୍ଟୋବର ୨୯ ତାରିଖ ପର୍ଯ୍ୟନ୍ତ ପର୍ଯ୍ୟଟକଙ୍କ ପାଇଁ ସମ୍ପୂର୍ଣ୍ଣ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି। ସୋମବାର ମଧ୍ୟାହ୍ନ ୧୨ଟାରୁ ଏହି କଟକଣା ଲାଗୁ ହେବ। ଏଥିସହିତ ଜିଲ୍ଲାବାସୀଙ୍କୁ ସୁରକ୍ଷିତ ରଖିବା ପାଇଁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
ଗଞ୍ଜାମ ଜିଲ୍ଲାପାଳ ଭି. କୀର୍ତ୍ତିଭାସନଙ୍କ ସୂଚନା ଅନୁଯାୟୀ, ଜିଲ୍ଲା ପ୍ରଶାସନ ପକ୍ଷରୁ ୧୨୦୦ରୁ ଊର୍ଦ୍ଧ୍ୱ ଗର୍ଭବତୀ ମହିଳାଙ୍କୁ ଚିହ୍ନଟ କରାଯାଇଛି। ସେମାନଙ୍କ ମଧ୍ୟରୁ ପ୍ରାୟ ୬୦ ଜଣଙ୍କୁ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ର ଓ ମେଡିକାଲକୁ ସ୍ଥାନାନ୍ତର କରାଯାଇସାରିଛି ଏବଂ ଏହି ସମୟ ମଧ୍ୟରେ ୪୧ ଜଣ ମହିଳା ସୁରକ୍ଷିତ ଭାବେ ପ୍ରସବ କରିଛନ୍ତି।
ଅନ୍ୟପକ୍ଷରେ, ଜିଲ୍ଲାର ସମସ୍ତ ବାତ୍ୟା ଆଶ୍ରୟସ୍ଥଳୀଗୁଡ଼ିକୁ ସମ୍ପୂର୍ଣ୍ଣ ପ୍ରସ୍ତୁତ ରଖାଯାଇଛି। ଆନ୍ଧ୍ରପ୍ରଦେଶ ଓ ପାରାଦୀପ ଅଞ୍ଚଳରୁ ଆସିଥିବା ମତ୍ସ୍ୟଜୀବୀମାନଙ୍କୁ ଏହି ଆଶ୍ରୟସ୍ଥଳୀଗୁଡ଼ିକରେ ସୁରକ୍ଷିତ ଭାବେ ରଖାଯିବା ସହ ସେମାନଙ୍କୁ ଖାଦ୍ୟ ଓ ସୁବିଧା ଯୋଗାଇ ଦିଆଯାଉଛି।
ଉଦ୍ଧାରକାରୀ ଟିମ୍ ମୁତୟନ
ବାତ୍ୟା ଆଶଙ୍କାକୁ ସାମ୍ନା କରିବା ପାଇଁ ଜିଲ୍ଲାରେ ODRAF ଓ NDRF ଟିମ୍ଗୁଡ଼ିକୁ ନିୟୋଜିତ କରାଯାଉଛି। ୩ଟି ଓଡ୍ରାଫ୍ ଟିମ୍ ପ୍ରଶାସନିକ ସ୍ତରରେ ଜିଲ୍ଲାରେ ପହଞ୍ଚି ସାରିଥିବା ବେଳେ ଏନ୍ଡିଆର୍ଏଫ୍ ଟିମ୍ ମଧ୍ୟ ଜିଲ୍ଲାରେ ପହଞ୍ଚୁଛନ୍ତି। ବ୍ରହ୍ମପୁର, ଛତ୍ରପୁର, ପାତ୍ରପୁର, ଭଞ୍ଜନଗର ଓ ସୋରଡ଼ା ଭଳି ସମ୍ବେଦନଶୀଳ ଅଞ୍ଚଳଗୁଡ଼ିକରେ ଏହି ଉଦ୍ଧାରକାରୀ ଦଳଗୁଡ଼ିକୁ ମୁତୟନ ରଖାଯାଇଛି, ଯେପରି କୌଣସି ଜରୁରୀ ପରିସ୍ଥିତିରେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯାଇପାରିବ।
ଚାଷୀଙ୍କ ପାଇଁ ବିଶେଷ ପରାମର୍ଶ
ଜିଲ୍ଲାପାଳ ଚାଷୀମାନଙ୍କୁ ଆଶ୍ୱାସନା ଦେଇଛନ୍ତି ଯେ ସେମାନେ ଆଦୌ ଭୟଭୀତ ହେବାର ଆବଶ୍ୟକତା ନାହିଁ। କ୍ଷେତରେ ଥିବା କଞ୍ଚା ଧାନ ଫସଲକୁ ନକାଟିବା ପାଇଁ ସେ ପରାମର୍ଶ ଦେଇଛନ୍ତି। ଯଦି ବାତ୍ୟା କିମ୍ବା ବର୍ଷା ଯୋଗୁଁ ଚାଷ ଜମିରେ କିଛି କ୍ଷତି ଘଟେ, ତେବେ ତୁରନ୍ତ ଆକଳନ କରାଯାଇ ନିୟମାନୁସାରେ ସରକାରୀ କ୍ଷତିପୂରଣ ପ୍ରଦାନ କରାଯିବ।
ଗଞ୍ଜାମ ଜିଲ୍ଲାପାଳ ଭି. କୀର୍ତ୍ତିଭାସନଙ୍କ ସୂଚନା ଅନୁଯାୟୀ, ଜିଲ୍ଲା ପ୍ରଶାସନ ପକ୍ଷରୁ ୧୨୦୦ରୁ ଊର୍ଦ୍ଧ୍ୱ ଗର୍ଭବତୀ ମହିଳାଙ୍କୁ ଚିହ୍ନଟ କରାଯାଇଛି। ସେମାନଙ୍କ ମଧ୍ୟରୁ ପ୍ରାୟ ୬୦ ଜଣଙ୍କୁ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ର ଓ ମେଡିକାଲକୁ ସ୍ଥାନାନ୍ତର କରାଯାଇସାରିଛି ଏବଂ ଏହି ସମୟ ମଧ୍ୟରେ ୪୧ ଜଣ ମହିଳା ସୁରକ୍ଷିତ ଭାବେ ପ୍ରସବ କରିଛନ୍ତି।
ଅନ୍ୟପକ୍ଷରେ, ଜିଲ୍ଲାର ସମସ୍ତ ବାତ୍ୟା ଆଶ୍ରୟସ୍ଥଳୀଗୁଡ଼ିକୁ ସମ୍ପୂର୍ଣ୍ଣ ପ୍ରସ୍ତୁତ ରଖାଯାଇଛି। ଆନ୍ଧ୍ରପ୍ରଦେଶ ଓ ପାରାଦୀପ ଅଞ୍ଚଳରୁ ଆସିଥିବା ମତ୍ସ୍ୟଜୀବୀମାନଙ୍କୁ ଏହି ଆଶ୍ରୟସ୍ଥଳୀଗୁଡ଼ିକରେ ସୁରକ୍ଷିତ ଭାବେ ରଖାଯିବା ସହ ସେମାନଙ୍କୁ ଖାଦ୍ୟ ଓ ସୁବିଧା ଯୋଗାଇ ଦିଆଯାଉଛି।
ଉଦ୍ଧାରକାରୀ ଟିମ୍ ମୁତୟନ
ବାତ୍ୟା ଆଶଙ୍କାକୁ ସାମ୍ନା କରିବା ପାଇଁ ଜିଲ୍ଲାରେ ODRAF ଓ NDRF ଟିମ୍ଗୁଡ଼ିକୁ ନିୟୋଜିତ କରାଯାଉଛି। ୩ଟି ଓଡ୍ରାଫ୍ ଟିମ୍ ପ୍ରଶାସନିକ ସ୍ତରରେ ଜିଲ୍ଲାରେ ପହଞ୍ଚି ସାରିଥିବା ବେଳେ ଏନ୍ଡିଆର୍ଏଫ୍ ଟିମ୍ ମଧ୍ୟ ଜିଲ୍ଲାରେ ପହଞ୍ଚୁଛନ୍ତି। ବ୍ରହ୍ମପୁର, ଛତ୍ରପୁର, ପାତ୍ରପୁର, ଭଞ୍ଜନଗର ଓ ସୋରଡ଼ା ଭଳି ସମ୍ବେଦନଶୀଳ ଅଞ୍ଚଳଗୁଡ଼ିକରେ ଏହି ଉଦ୍ଧାରକାରୀ ଦଳଗୁଡ଼ିକୁ ମୁତୟନ ରଖାଯାଇଛି, ଯେପରି କୌଣସି ଜରୁରୀ ପରିସ୍ଥିତିରେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯାଇପାରିବ।
ଚାଷୀଙ୍କ ପାଇଁ ବିଶେଷ ପରାମର୍ଶ
ଜିଲ୍ଲାପାଳ ଚାଷୀମାନଙ୍କୁ ଆଶ୍ୱାସନା ଦେଇଛନ୍ତି ଯେ ସେମାନେ ଆଦୌ ଭୟଭୀତ ହେବାର ଆବଶ୍ୟକତା ନାହିଁ। କ୍ଷେତରେ ଥିବା କଞ୍ଚା ଧାନ ଫସଲକୁ ନକାଟିବା ପାଇଁ ସେ ପରାମର୍ଶ ଦେଇଛନ୍ତି। ଯଦି ବାତ୍ୟା କିମ୍ବା ବର୍ଷା ଯୋଗୁଁ ଚାଷ ଜମିରେ କିଛି କ୍ଷତି ଘଟେ, ତେବେ ତୁରନ୍ତ ଆକଳନ କରାଯାଇ ନିୟମାନୁସାରେ ସରକାରୀ କ୍ଷତିପୂରଣ ପ୍ରଦାନ କରାଯିବ।