અમેરિકાના ટેનેસીમાં મહેસાણાના NRI વેપારીની લૂંટના ઇરાદે ગોળી મારી હત્યા

અમેરિકાના ટેનેસી રાજ્યના જેક્સન શહેરમાં એક દુઃખદ ઘટના સામે આવી છે, જેમાં મહેસાણાના વતની અને NRI વેપારી સુરેશ પટેલની ગોળી મારીને હત્યા કરવામાં આવી છે. તેઓ છેલ્લા ૩૦ વર્ષથી પોતાના પરિવાર સાથે અમેરિકામાં સ્થાયી થયા હતા.

પ્રાપ્ત માહિતી અનુસાર, જેક્સન ખાતે આવેલા તેમના સ્ટોરમાં એક માસ્કધારી શખ્સ લૂંટના ઇરાદે ઘૂસી આવ્યો હતો. લૂંટારૂએ સ્ટોરમાં ફાયરિંગ કરતા સુરેશ પટેલને ગોળી વાગી હતી, જેના કારણે તેમનું ઘટનાસ્થળે જ મોત નીપજ્યું હતું. આ સમગ્ર ઘટના તેમની ૧૯ વર્ષની દીકરીની નજર સામે બની હતી.

આ ઘટનાને પગલે સ્થાનિક ભારતીય સમુદાયમાં શોકની લાગણી ફેલાઈ ગઈ છે. પોલીસ દ્વારા આ મામલે તપાસ હાથ ધરવામાં આવી છે.