અરવલ્લી પોલીસે NDPS કેસમાં ૧૦ વર્ષની સજા પામેલ અને ૨ વર્ષથી ફરાર આરોપીને ઝડપી પાડ્યો..

અરવલ્લીમાં-:
પેરોલ ફર્લો સ્કવોડ દ્વારા NDPS (નશીલા પદાર્થ પ્રતિબંધક અધિનિયમ) ગુનામાં ૧૦ વર્ષની સજા પામેલ અને છેલ્લા ૨ વર્ષથી ફરાર ચાલી રહેલા આરોપીને સફળતાપૂર્વક ઝડપી પાડવામાં આવ્યો છે..

આરોપી અમદાવાદ મધ્યસ્થ જેલ ખાતેથી વચગાળાના જામીન પર મુક્ત થયા બાદ ફરાર થઈ ગયો હતો અને છેલ્લા બે વર્ષથી પોલીસની પકડથી દૂર હતો. અરવલ્લી પેરોલ ફર્લો સ્કવોડ દ્વારા સતત તપાસ અને વોચ ગોઠવીને આ આરોપીને દબોચી લેવામાં આવ્યો છે.આ કાર્યવાહીથી પોલીસ વિભાગે ગુનાખોરી ડામવા અને કાયદાનું પાલન કરાવવાની દિશામાં એક મહત્વપૂર્ણ પગલું ભર્યું છે. આરોપીને કાયદેસરની કાર્યવાહી માટે સંબંધિત કોર્ટ સમક્ષ રજૂ કરવામાં આવશે.