હીરા અને ટેક્સટાઇલ નગરી સુરતને ટૂંક સમયમાં જ આંતરરાષ્ટ્રીય કક્ષાના મલ્ટી મોડલ ટ્રાન્સપોર્ટેશન હબ (MMTH)ની ભેટ મળવા જઈ રહી છે. કેન્દ્રીય રેલવ

હીરા અને ટેક્સટાઇલ નગરી સુરતને ટૂંક સમયમાં જ આંતરરાષ્ટ્રીય કક્ષાના મલ્ટી મોડલ ટ્રાન્સપોર્ટેશન હબ (MMTH)ની ભેટ મળવા જઈ રહી છે. કેન્દ્રીય રેલવે મંત્રાલય અને ગુજરાત સરકારના સંયુક્ત સાહસ ‘સિટકો’ (SITCO) દ્વારા કુલ 2.5 લાખ ચોરસ મીટરના વિશાળ પરિસરમાં ₹1,250 કરોડથી વધુના ખર્ચે આ મેગા પ્રોજેક્ટનું નિર્માણ થઈ રહ્યું છે. બે તબક્કામાં ચાલી રહેલા કામકાજ પૈકી ફેઝ-1 નું 51% અને ફેઝ-2 (એલિવેટેડ કોરિડોર)નું 42% કામ સફળતાપૂર્વક પૂર્ણ થઈ ચૂક્યું છે. આ હબને ડિસેમ્બર-2027 સુધીમાં લોકોની સેવા માટે સંપૂર્ણ સુસજ્જ કરવાનો લક્ષ્યાંક રખાયો છે.

દૈનિક 6.25 લાખ મુસાફરોની ક્ષમતા સાથે 6 ગેટ્સ બનશે સુરત MMTH દેશમાં ટ્રાન્ઝિટ-ઓરિએન્ટેડ ડેવલપમેન્ટ (TOD) ક્ષેત્રે નવું સીમાચિહ્ન સાબિત થશે. આ કેન્દ્રમાં ભારતીય રેલવે, GSRTC ઇન્ટર-સ્ટેટ બસ ટર્મિનલ (ISBT), પાલિકાની સિટી બસ, બીઆરટીએસ (BRTS) તેમજ ભવિષ્યમાં આકાર લેનારી મેટ્રો સેવાને એકીકૃત કરી દેવાશે. મુસાફરોની સરળ અવરજવર માટે 6 વિશાળ એન્ટ્રી-એક્ઝિટ ગેટ તૈયાર કરવામાં આવી રહ્યા છે. આ મહાકાય હબ દરરોજ 6.25 લાખથી વધુ મુસાફરોની અવરજવરનું સરળતાથી સંચાલન કરી શકશે.

ફેઝ-1: 877.78 કરોડના ખર્ચે બિલ્ડિંગ-કોન્કોર્સનું નિર્માણ ડિસેમ્બર 2022થી પ્રારંભ થયેલા ફેઝ-1 અંતર્ગત ₹877.78 કરોડના ખર્ચે સ્ટેશન અને ટર્મિનલનું માળખું ઊભું કરવામાં આવી રહ્યું છે: