🔥 ट्रेंडिंग সামাজিক বয়কটের অভিযোগ! গ্রামের কবরস্থ... ગિરનાર પરિક્રમા, તારા-રીરી મહોત્સવ અને... पिंपरी पेंढार मधील श्री चारंगबाबा मंदि... બગસરા બાયપાસમાં હિરાણી ફાર્મના ઘાસચારા... आरआईसी मे ं जयपुर डांस कॉन्क्लेव का हु... आईएएस अधिकारी शिखर अग्रवाल पर 64 विला...
22 नव. 2026•
ગુજરાતી मराठी ਪੰਜਾਬੀ বাংলা
मुंबई-गोवा महामार्गावरील रखडलेल्या कामांविरुद्ध जनआक्रोश समिती आक्रमक
स्थानीय

मुंबई-गोवा महामार्गावरील रखडलेल्या कामांविरुद्ध जनआक्रोश समिती आक्रमक

✍️ रिपोर्टर: Dr.Aniket Mestri 🗓 01 अक्टू. 2026, 10:48 AM 👁 127
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post

मुंबई-गोवा महामार्गावरील रखडलेल्या कामांमुळे प्रवाशांना होणाऱ्या त्रासावर मुंबई-गोवा महामार्ग जनआक्रोश समितीने तीव्र नाराजी व्यक्त केली असून, कामांची गती वाढवण्यासाठी आणि डेडलाईन पाळण्यासाठी आक्रमक पवित्रा घेतला आहे.

खेड - मुंबई-गोवा महामार्गावरील कामांना वारंवार मुदतवाढ मिळूनही ती पूर्ण होत नसल्याने प्रवाशांना मोठा मनस्ताप सहन करावा लागत आहे. या पार्श्वभूमीवर मुंबई-गोवा महामार्ग जनआक्रोश समितीने आता आपला लढा अधिक तीव्र करण्याची भूमिका घेतली आहे. २९ सप्टेंबर २०२६ रोजी दादर येथे झालेल्या बैठकीत महामार्गावरील अपूर्ण कामांचा प्रश्न ऐरणीवर आणण्यात आला. गणेशोत्सवापूर्वी महामार्गावरील महत्त्वाची कामे पूर्ण होतील, अशी अपेक्षा होती, मात्र मुदती पूर्ण न झाल्याने प्रवाशांच्या अडचणी कायम आहेत.

सणासुदीच्या काळात महामार्गावरील प्रवास करणाऱ्या नागरिकांना वाहतूक कोंडी, अपूर्ण रस्ते आणि रखडलेल्या कामांचा सामना करावा लागतो. त्यामुळे केवळ आश्वासने आणि नवीन तारखा जाहीर करण्याऐवजी प्रत्यक्ष कामे पूर्ण करण्यावर भर देण्याची मागणी समितीकडून करण्यात येत आहे. नागोठणे उड्डाणपूल, माणगाव बायपास, इंदापूर बायपास आणि चिपळूण उड्डाणपूल यांसारख्या महत्त्वाच्या कामांकडे समितीने लक्ष वेधले आहे. या कामांमुळे वाहतूक सुरळीत होण्यास मदत होईल, मात्र ती वेळेत आणि दर्जेदार पद्धतीने पूर्ण होणे आवश्यक आहे.

कामांची मुदत जवळ आल्यावर घाईगडबड करणे आणि त्यानंतर पुन्हा नवीन डेडलाईन देणे, या पद्धतीला आता पूर्णविराम मिळायला हवा, असे समितीचे म्हणणे आहे. संबंधित यंत्रणांनी कामाचा वेग वाढवण्यासोबतच गुणवत्तेकडेही गांभीर्याने लक्ष द्यावे. केवळ कामे पूर्ण झाल्याचे दाखवण्यापेक्षा ती सुरक्षित, टिकाऊ आणि प्रवाशांसाठी उपयुक्त असणे महत्त्वाचे आहे. या प्रश्नावर केवळ समितीनेच नव्हे, तर नागरिकांनीही सक्रिय सहभाग घ्यावा, असे आवाहन समितीने केले आहे.

नागरिकांनी महामार्गावरील कामांची प्रत्यक्ष प्रगती तपासावी, अपूर्ण कामांची माहिती घ्यावी आणि संबंधित ठिकाणांचे फोटो व व्हिडिओ समितीपर्यंत पाठवावेत. कामांमध्ये दिरंगाई होत असल्यास प्रशासन आणि लोकप्रतिनिधींना प्रश्न विचारावेत, कामाच्या सद्यस्थितीबाबत माहिती मागावी आणि आवश्यकतेनुसार आंदोलनात सहभागी व्हावे, ही नागरिकांचीही महत्त्वाची भूमिका असल्याचे समितीने अधोरेखित केले आहे. मुंबई-गोवा महामार्ग हा कोकणातील नागरिकांसाठी दळणवळणाचा अत्यंत महत्त्वाचा मार्ग आहे, त्यामुळे या कामांतील विलंब हा केवळ विकासकामांचा प्रश्न नसून तो नागरिकांच्या सुरक्षिततेशी आणि दैनंदिन जीवनाशी संबंधित बनला आहे.
📲Get App