બનાસકાંઠા: ૪૫થી વધુ વાહનચોરીના ગુનામાં સંડોવાયેલ નરપતસિંહ ઉર્ફે નપીયાને LCBએ ઝડપી પાડ્યો

બનાસકાંઠા જિલ્લાના પાલનપુર ખાતે લોકલ ક્રાઈમ બ્રાન્ચ (LCB) દ્વારા એક મોટી કાર્યવાહી કરવામાં આવી છે. પોલીસની ટીમે ૪૫થી વધુ વાહનચોરીના ગુનાઓમાં સંડોવાયેલ શાતિર અને રીઢા વાહનચોર નરપતસિંહ ઉર્ફે નપીયાને બે અન્ય આરોપીઓ સાથે ઝડપી પાડવામાં સફળતા મેળવી છે.

પોલીસની આ કાર્યવાહી દરમિયાન આરોપીઓ પાસેથી ચોરીના બે બાઈક મળી આવ્યા છે. પોલીસે કુલ ૧,૦૦,૦૦૦ રૂપિયાના મુદ્દામાલ સાથે આરોપીઓની ધરપકડ કરી છે. આ ધરપકડ સાથે જ વાહનચોરીના બે મહત્વના ગુનાઓનો ભેદ ઉકેલાયો છે.

લાંબા સમયથી પોલીસને ચકમો આપી રહેલા આ રીઢા ગુનેગારની પકડ બાદ વધુ ગુનાઓના ખુલાસા થવાની શક્યતા છે. હાલમાં LCB દ્વારા પકડાયેલા આરોપીઓની સઘન પૂછપરછ હાથ ધરવામાં આવી છે.