કામરેજ નજીક LCB પોલીસનો પીછો કરતી દારૂ ભરેલી કારમાં આગ લાગી, બે ઝડપાયા

કામરેજ તાલુકાના પાલી ગામ નજીક મુંબઈ-દિલ્હી ભારતમાલા એક્સપ્રેસ હાઈવે નંબર-4 પર એક ચોંકાવનારી ઘટના બની હતી. સુરત જિલ્લા LCB પોલીસ એક દારૂ ભરેલી ફોર-વ્હીલરનો પીછો કરી રહી હતી.

પોલીસ પીછો કરી રહી હતી તે દરમિયાન, કારમાં અચાનક આગ લાગી હતી. આગ એટલી ભયાનક હતી કે કાર સહિત તેમાં ભરેલો દારૂનો મોટો જથ્થો સંપૂર્ણપણે બળીને ખાખ થઈ ગયો હતો. આ દ્રશ્ય જોઈને લોકોમાં અફરાતફરી મચી ગઈ હતી.

આ ઘટના અંગે પ્રાપ્ત માહિતી અનુસાર, પોલીસે આ કાર્યવાહી દરમિયાન બે ઈસમોને ઝડપી પાડવામાં સફળતા મેળવી છે. કારમાંથી અંદાજે 20 પેટીથી વધુ દારૂનો જથ્થો મળી આવ્યો હોવાનું જાણવા મળ્યું છે. પોલીસે આગળની કાર્યવાહી હાથ ધરી છે.