મહેસાણા: LCBએ ચોરીના બુલેટ મોટરસાયકલ સાથે એક શખ્સને ઝડપી લીધો

મહેસાણા લોકલ ક્રાઈમ બ્રાન્ચ (LCB) દ્વારા એક સફળ કાર્યવાહી હાથ ધરવામાં આવી છે. પોલીસની ટીમે ભોંયરાવાસ વિસ્તારમાં રહેતા રાવળ ભરતભાઈ ત્રિકમભાઈ નામના શખ્સને ચોરીના બુલેટ મોટરસાયકલ સાથે ઝડપી લીધો છે.

પોલીસ તપાસમાં સામે આવ્યું છે કે, આરોપીએ આશરે આઠ દિવસ પહેલા પાલાવાસણા બ્રિજ નીચે પાર્ક કરેલું બુલેટ ચોરી કર્યું હતું. ચોરી કર્યા બાદ તે પોતાના શોખ માટે આ બુલેટ લઈને વિવિધ વિસ્તારોમાં ફરી રહ્યો હતો.

આખરે મહેસાણા LCBની ટીમે બાતમીના આધારે આરોપીને ચોરીના બુલેટ સાથે રંગેહાથ ઝડપી લીધો હતો. પોલીસે મુદ્દામાલ કબજે કરી આરોપી વિરુદ્ધ કાયદેસરની કાર્યવાહી હાથ ધરી છે.