ସୁରକ୍ଷା ବ୍ୟାରିକେଡ଼ରେ ପିଟିହୋଇ ହୁ ହୁ ହୋଇ ଜଳିଗଲା l

ଦ୍ରୁତଗାମୀ ଚାରିଚକିଆ ହୁଣ୍ଡାଇ i-20 ଦୁର୍ଘଟଣାରେ ଜଳିଗଲା l

କଳାହାଣ୍ଡି :-କଳାହାଣ୍ଡି ଜିଲ୍ଳା ଜୁନାଗଡ଼ ବ୍ଲକ ଅନ୍ତର୍ଗତ ହାତୀନଦୀ ନିକଟରେ ଏକ ହୁଣ୍ଡାଇ i-20 ଗାଡି ନମ୍ବର OR 02BL4482 ଚାରିଚକିଆ ଯାନ ଦୁର୍ଘଟଣା ଗ୍ରସ୍ତ l ସୂଚନା ମୁତାବକ ଜୁନାଗଡ଼ ସହରର ଶ୍ରୀ ସୋନୁ ବୈଠରୁ ଓ ସୁରଜ ଶତପଥୀ ନାମକ ବ୍ୟକ୍ତି ଦ୍ବୟ ମୋଟର ରୁ ଜୁନାଗଡ଼ ଦ୍ରୁତଗତି ରେ ଆସୁଥିବା ବେଳେ ଭାରସାମ୍ୟ ହରାଇ ସୁରକ୍ଷା ବ୍ୟାରିକେଡ଼ରେ ପିଟିହୋଇ ଗାଡିଟି ହୁ ହୁ ହୋଇ ଜଳିଗଲା l ଦେବଦୂତ ସାଜି ସ୍ଥାନୀୟ ଯୁବକମାନେ ନିଆଁ କୁ ଖାତିର ନ କରି ଗାଡି ଭିତରେ ଥିବା ଯାତ୍ରୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ l ପରେ ଗୁରୁତର ଯାତ୍ରୀଙ୍କୁ ସ୍ଥାନୀୟ ସରକାରୀ ଡାକ୍ତରଖାନା ଜୁନାଗଡ଼ ରେ ଭର୍ତ୍ତି କରିଥିଲେ l
ଏହି ଘଟଣାର ଖବରପାଇ ଅଗ୍ନିଶମ ବିଭାଗ, ଜୁନାଗଡ଼ ତୁରନ୍ତ ଘଟଣାସ୍ଥଳକୁ ପହଞ୍ଚି ନିଆଁ କୁ ଆୟତ୍ତ କରିଥଲେ, କିନ୍ତୁ ଗାଡିଟି ପୋଡ଼ିଯାଇ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଯାଇଛି l ଜୁନାଗଡ଼ ପୋଲିସ ମଧ୍ୟ ଖବର ପାଇ ଘଟଣାସ୍ଥଳକୁ ପହଞ୍ଚି ଦୁର୍ଘଟଣାଗ୍ରସ୍ତ ଗାଡିକୁ ଜବତ କରି ତଦନ୍ତ ଆରମ୍ଭକରିଛି l ସୂଚନାମୁତାବକ ଦୁର୍ଘଟଣାରେ ଗୁରୁତର ବ୍ୟକ୍ତିମନେ ବର୍ତ୍ତମାନ ସୁଦ୍ଧା ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି l