ସ୍ତ୍ରୀକୁ ପିଟିପିଟି ମାରିଦେବା ପରେ ନିଜେ ଆତ୍ମହତ୍ୟା କଲା ସ୍ୱାମୀ l

ସ୍ତ୍ରୀକୁ ପିଟିପିଟି ମାରିଦେବା ପରେ ନିଜେ ଆତ୍ମହତ୍ୟା କଲା ସ୍ୱାମୀ l ଘଟଣା ଘଟିଛି ପରଜଙ୍ଗ ଥାନା ଦଦରାଘାଟି ତିନିନମ୍ବର କଲୋନୀରେ । ପାରିବାରିକ କଳହକୁ ନେଇ ଏପରି ଘଟିଥିବାର ଅନୁମାନ କରାଯାଉଛି ।ସୂଚନା ଅନୁସାରେ, ଗତକାଲି ରାତିରେ ଉଭୟ ସ୍ୱାମୀ ମିଥୁନ ନାଏକ ଓ ସ୍ତ୍ରୀ ରଶ୍ମିତା ନାଏକଙ୍କ ମଧ୍ୟରେ କୌଣସି କାରଣକୁ ନେଇ ଝଗଡା ହୋଇଥିଲା l ପରେ ସ୍ୱାମୀ ମିଥୁନ ସ୍ତ୍ରୀ ରଶ୍ମିତାଙ୍କୁ ଘର ଭିତରକୁ ନେଇ କବାଟ ବନ୍ଦ କରି ବାଡ଼ିରେ ନିସ୍ତୁକ ପିଟି ଚାଲିଥିଲେ । ଯାହା ଫଳରେ ସ୍ତ୍ରୀ ଙ୍କର ସେଠାରେ ହିଁ ମୃତ୍ୟୁ ହୋଇଥିଲା ।
ସ୍ତ୍ରୀଙ୍କ ମୃତ୍ୟୁ ପରେ ସ୍ୱାମୀ ନିଜ ଘର ସାମ୍ନାରେ ଥିବା ଏକ ଆମ୍ବଗଛରେ ଏକ ଓଢଣୀ ସାହାଯ୍ୟରେ ଆତ୍ମହତ୍ୟା କରିଥିଲେ l ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି l