હિંમતનગરમાં 'JOSH–ટીબી મુક્ત ભારત ટીમ'નું લોન્ચિંગ: ટીબી મુક્ત પંચાયતો અને વિજેતાઓને સન્માન..

સાબરકાંઠાના-:
હિંમતનગર ખાતે 'JOSH–ટીબી મુક્ત ભારત ટીમ'ના જિલ્લા કક્ષાના લોન્ચિંગ કાર્યક્રમનું આયોજન કરવામાં આવ્યું હતું.આ કાર્યક્રમ સાથે 'ટીબી મુક્ત પંચાયત' સન્માન સમારોહ પણ યોજાયો હતો,જેનો મુખ્ય ઉદ્દેશ્ય ક્ષય રોગ (ટીબી) નાબૂદી માટેના પ્રયાસોને બળ આપવાનો હતો..

આ સમારોહ દરમિયાન જે ગ્રામ પંચાયતો ટીબી મુક્ત જાહેર થઈ હતી,તેમના સરપંચોને વિશેષ સન્માનિત કરવામાં આવ્યા હતા.આ ઉપરાંત ટીબી રોગ સામે સફળતાપૂર્વક લડત આપીને સ્વસ્થ થયેલા ટીબી વિજેતાઓ અને ટીબી નાબૂદીના અભિયાનમાં યોગદાન આપનાર નિક્ષય મિત્રોને પણ પ્રશસ્તિપત્રો અને પુરસ્કારો આપીને પ્રોત્સાહિત કરાયા હતા.આ કાર્યક્રમ દ્વારા ટીબી મુક્ત ભારત અભિયાનને વધુ વેગ મળશે તેવી અપેક્ષા રાખવામાં આવી રહી છે.સ્થાનિક સ્તરે ટીબી સામે જાગૃતિ ફેલાવવા અને અસરગ્રસ્તોને યોગ્ય સારવાર તથા સહયોગ પૂરો પાડવા માટે આ પ્રકારના કાર્યક્રમો અત્યંત મહત્વપૂર્ણ ભૂમિકા ભજવે છે.