IAS અધિકારી માટે સચિવાલયમાં ‘શોર્ટકટ’! બ્લોક-7 અને બ્લોક-1 વચ્ચે દરવાજો બનાવ્યો

સચિવાલયના નવા બ્લોક નંબર-7માં બેસતા એક IAS અધિકારીને બ્લોક નંબર-1માં દિવસમાં અનેક વખત જવાનું થતું હોવાથી, હવે બંને બ્લોક વચ્ચે જ ‘શોર્ટકટ’ ઊભો થઈ ગયો હોવાની ચર્ચા સચિવાલયમાં છે.

કહેવાય છે કે અધિકારીને વારંવાર લિફ્ટમાં નીચે ઊતરીને બીજી બિલ્ડિંગમાં જવું ન પડે તે માટે બ્લોક-7 અને બ્લોક-1 વચ્ચેની દિવાલમાં દરવાજો મુકાવી દેવામાં આવ્યો છે. સામાન્ય કર્મચારી માટે એક બિલ્ડિંગમાંથી બીજી બિલ્ડિંગમાં જવા માટે જે વ્યવસ્થા છે, તેની સામે એક અધિકારી માટે સીધો રસ્તો બની જતાં સચિવાલયના વર્તુળોમાં પણ આ ‘ખાસ દરવાજા’ની ચર્ચા શરૂ થઈ છે.

હવે સવાલ એ છે કે આ દરવાજો ખરેખર કામની સરળતા માટે બનાવાયો છે કે પછી VVIP લેવલની સુવિધાનો નવો દાખલો છે? સચિવાલયના અધિકારીઓ અને કર્મચારીઓ વચ્ચે આ મુદ્દે મતભેદો ઉઠ્યા છે.

સરકારને 16 વર્ષે ખબર પડી કે બે IAS અધિકારી નકામાં અને ભ્રષ્ટાચારી છે, જે સચિવાલયમાં પારદર્શિતા અને જવાબદારી અંગેની ચિંતાઓને વધુ તીવ્ર બનાવે છે.