GPSC માં ૭ નવા સભ્યોની નિમણૂક: ભરતી પ્રક્રિયા ઝડપી બનવાની આશા

ગુજરાત જાહેર સેવા આયોગ (GPSC) માં ૦૭ નવા સભ્યોની નિમણૂક કરવામાં આવી છે. આ નિમણૂક સાથે જ આયોગના કાર્યોમાં ગતિ આવવાની અપેક્ષા છે. નવા નિમાયેલા સભ્યોમાં કે એલ બચાણી (IAS), કે સી સંપત (IAS), કે એસ વસાવા (IAS - Rtd), મયુર મહેતા (IAS), એચ જે પ્રજાપતિ (IAS), દીપક કુમાર રાઠોડ અને ડો શિશિર ત્રિવેદીનો સમાવેશ થાય છે.

આ નિમણૂક ભરતી પ્રક્રિયાને વધુ કાર્યક્ષમ બનાવવામાં મદદરૂપ થશે તેવી આશા સેવાઈ રહી છે. ખાસ કરીને, ઉમેદવારો દ્વારા લાંબા સમયથી જેની રાહ જોવાઈ રહી હતી તે ઇન્ટરવ્યૂ પ્રક્રિયા હવે ઝડપી બનશે તેવી અપેક્ષા રાખવામાં આવી રહી છે.

નવા સભ્યોની નિમણૂકથી GPSC દ્વારા હાથ ધરવામાં આવતી વિવિધ સ્પર્ધાત્મક પરીક્ષાઓ અને ભરતી સંબંધિત કાર્યોમાં સુધારો જોવા મળશે તેમ મનાય છે. આનાથી રાજ્ય સરકારની વિવિધ ખાલી જગ્યાઓ પર યોગ્ય ઉમેદવારોની નિમણૂક સમયસર થઈ શકશે.