Crime
વાગરાનાં સાયખા GIDCમાં સિન્જીલ ફાર્માકેમમાં પ્રચંડ બ્લાસ્ટ: બેનાં મોત, અનેકને અસર
વાગરા તાલુકાના સાયખા GIDC સ્થિત સિન્જીલ ફાર્માકેમ પ્રાઇવેટ લિમિટેડ કંપનીમાં મોડી રાત્રે થયેલા પ્રચંડ બ્લાસ્ટમાં બે લોકોના ઘટનાસ્થળે જ મોત થયા છે. આ ઘટનામાં ૧૫ કિલોમીટર સુધી અવાજ સંભળાતા લોકોમાં ભયનો માહોલ સર્જાયો હતો.
ભરૂચ જિલ્લાના વાગરા તાલુકાના સાયખા GIDCમાં આવેલી સિન્જીલ ફાર્માકેમ પ્રાઇવેટ લિમિટેડ કંપનીમાં હમણાં રાત્રે લગભગ ૧૧ વાગ્યાની આસપાસ એક પ્રચંડ બ્લાસ્ટ થયો છે. આ બ્લાસ્ટ એટલો ભયાનક હતો કે તેનો અવાજ લગભગ ૧૫ કિલોમીટરની ત્રિજ્યા સુધી સંભળાયો હતો. ઘટનાની જાણ થતાં જ મોટી સંખ્યામાં લોકો ઘટનાસ્થળે એકઠા થઈ ગયા હતા.
પ્રાપ્ત માહિતી અનુસાર, આ બ્લાસ્ટમાં બે વ્યક્તિઓના ઘટનાસ્થળે જ કરૂણ મોત નીપજ્યા છે. જોકે, મૃત્યુઆંક વધી શકે તેવી આશંકા પણ સેવાઈ રહી છે. બ્લાસ્ટ બાદ કંપનીમાંથી ગેસ લીકેજ થતાં આસપાસના વિસ્તારમાં તેની અસર જોવા મળી હતી. ગેસ લીકેજને કારણે અનેક લોકોને આંખોમાં બળતરા થવા લાગી હતી, જેના પગલે લોકોમાં ગભરાટ ફેલાયો હતો અને તેઓ ભાગદોડ કરવા લાગ્યા હતા.
આ દુર્ઘટના બાદ તાત્કાલિક ધોરણે એમ્બ્યુલન્સ ઘટનાસ્થળે પહોંચી હતી. એમ્બ્યુલન્સના સાયરનોથી સમગ્ર વાતાવરણ ગુંજી ઉઠ્યું હતું. રાહત અને બચાવ કાર્ય શરૂ કરવામાં આવ્યું છે. આ ઘટના અંગે વધુ તપાસ હાથ ધરવામાં આવી રહી છે.
પ્રાપ્ત માહિતી અનુસાર, આ બ્લાસ્ટમાં બે વ્યક્તિઓના ઘટનાસ્થળે જ કરૂણ મોત નીપજ્યા છે. જોકે, મૃત્યુઆંક વધી શકે તેવી આશંકા પણ સેવાઈ રહી છે. બ્લાસ્ટ બાદ કંપનીમાંથી ગેસ લીકેજ થતાં આસપાસના વિસ્તારમાં તેની અસર જોવા મળી હતી. ગેસ લીકેજને કારણે અનેક લોકોને આંખોમાં બળતરા થવા લાગી હતી, જેના પગલે લોકોમાં ગભરાટ ફેલાયો હતો અને તેઓ ભાગદોડ કરવા લાગ્યા હતા.
આ દુર્ઘટના બાદ તાત્કાલિક ધોરણે એમ્બ્યુલન્સ ઘટનાસ્થળે પહોંચી હતી. એમ્બ્યુલન્સના સાયરનોથી સમગ્ર વાતાવરણ ગુંજી ઉઠ્યું હતું. રાહત અને બચાવ કાર્ય શરૂ કરવામાં આવ્યું છે. આ ઘટના અંગે વધુ તપાસ હાથ ધરવામાં આવી રહી છે.