Education
વડોદરા: FRCમાં ફી વધારાની દરખાસ્ત માટેની સમયમર્યાદા ઘટાડાથી શાળા સંચાલકોમાં રોષ
વડોદરા જિલ્લા શિક્ષણાધિકારી (DEO) કચેરી દ્વારા ફી વધારાની દરખાસ્ત FRCમાં જમા કરાવવાની અંતિમ તારીખ 31 ઓક્ટોબરથી ઘટાડીને 9 ઓક્ટોબર કરતાં શાળા સંચાલકોએ અસંતોષ વ્યક્ત કર્યો છે.
વડોદરા જિલ્લા શિક્ષણાધિકારી (DEO) કચેરી દ્વારા ફી રેગ્યુલેટરી કમિટી (FRC) ને ફી વધારા માટેની દરખાસ્ત રજૂ કરવાની અંતિમ તારીખમાં ઘટાડો કરવામાં આવ્યો છે. અગાઉ 31મી ઓક્ટોબર 2026 સુધીનો સમય આપવામાં આવ્યો હતો, જેને હવે ઘટાડીને 9મી ઓક્ટોબર 2026 કરવામાં આવી છે. DEO કચેરીના જણાવ્યા અનુસાર, આ નિર્ણય છેલ્લી ઘડીની દોડધામ ટાળવા અને વહીવટી કામગીરી સરળતાથી પૂર્ણ કરવાના હેતુથી લેવાયો છે.
વડોદરા જિલ્લામાં લગભગ 300 જેટલી ખાનગી શાળાઓએ ફી વધારા માટેની દરખાસ્ત FRC સમક્ષ રજૂ કરવાની છે. આ માટે શાળાઓએ રૂ. 300ના સ્ટેમ્પ પેપર પર સોગંદનામું (એફિડેવિટ) રજૂ કરવું પડશે. DEO કચેરીના સૂત્રોના જણાવ્યા મુજબ, આ ફેરફારનો મુખ્ય ઉદ્દેશ્ય વહીવટી પ્રક્રિયાને સુવ્યવસ્થિત કરવાનો છે.
જોકે, વડોદરા સ્વનિર્ભર શાળા સંચાલક મંડળના પ્રમુખ આર. સી. પટેલે આ નિર્ણય સામે નારાજગી વ્યક્ત કરી છે. તેમણે જણાવ્યું કે, "માત્ર 6 દિવસમાં 300 શાળાઓના દસ્તાવેજ, સોગંદનામું અને ફી પ્રસ્તાવ તૈયાર કરવો વ્યવહારિક રીતે શક્ય નથી. અમે સરકારને સમયમર્યાદા ફરીથી 31મી ઓક્ટોબર સુધી વધારવાની રજૂઆત કરીશું."
આ અંગે વડોદરા જિલ્લાના પ્રભારી શિક્ષણ અધિકારી મહેશ પાંડેએ સ્પષ્ટતા કરી કે, "ફાઇલોમાં રહી ગયેલી ભૂલો કે ખુટતા કાગળો સુધારવા માટે બફર ટાઇમ રાખવામાં આવ્યો છે. વહીવટી કામગીરી સરળતાથી પૂર્ણ થાય તે હેતુથી 9 તારીખે ફાઇલો મંગાવવાનો નિર્ણય લેવામાં આવ્યો છે." નિયમ મુજબ, પ્રાથમિક માટે 15 હજાર, માધ્યમિક માટે 25 હજાર અને ઉચ્ચતર માધ્યમિક માટે 30 હજારની નિર્ધારિત મર્યાદાથી વધુ ફી વસૂલતી શાળાઓએ જ FRC સમક્ષ દરખાસ્ત રજૂ કરવાની રહે છે.
વડોદરા જિલ્લામાં લગભગ 300 જેટલી ખાનગી શાળાઓએ ફી વધારા માટેની દરખાસ્ત FRC સમક્ષ રજૂ કરવાની છે. આ માટે શાળાઓએ રૂ. 300ના સ્ટેમ્પ પેપર પર સોગંદનામું (એફિડેવિટ) રજૂ કરવું પડશે. DEO કચેરીના સૂત્રોના જણાવ્યા મુજબ, આ ફેરફારનો મુખ્ય ઉદ્દેશ્ય વહીવટી પ્રક્રિયાને સુવ્યવસ્થિત કરવાનો છે.
જોકે, વડોદરા સ્વનિર્ભર શાળા સંચાલક મંડળના પ્રમુખ આર. સી. પટેલે આ નિર્ણય સામે નારાજગી વ્યક્ત કરી છે. તેમણે જણાવ્યું કે, "માત્ર 6 દિવસમાં 300 શાળાઓના દસ્તાવેજ, સોગંદનામું અને ફી પ્રસ્તાવ તૈયાર કરવો વ્યવહારિક રીતે શક્ય નથી. અમે સરકારને સમયમર્યાદા ફરીથી 31મી ઓક્ટોબર સુધી વધારવાની રજૂઆત કરીશું."
આ અંગે વડોદરા જિલ્લાના પ્રભારી શિક્ષણ અધિકારી મહેશ પાંડેએ સ્પષ્ટતા કરી કે, "ફાઇલોમાં રહી ગયેલી ભૂલો કે ખુટતા કાગળો સુધારવા માટે બફર ટાઇમ રાખવામાં આવ્યો છે. વહીવટી કામગીરી સરળતાથી પૂર્ણ થાય તે હેતુથી 9 તારીખે ફાઇલો મંગાવવાનો નિર્ણય લેવામાં આવ્યો છે." નિયમ મુજબ, પ્રાથમિક માટે 15 હજાર, માધ્યમિક માટે 25 હજાર અને ઉચ્ચતર માધ્યમિક માટે 30 હજારની નિર્ધારિત મર્યાદાથી વધુ ફી વસૂલતી શાળાઓએ જ FRC સમક્ષ દરખાસ્ત રજૂ કરવાની રહે છે.