રાજકોટમાં CM ભૂપેન્દ્ર પટેલનું નિવેદન: ગુજરાતની 30 લાખ બહેનો સ્વરોજગારથી મેળવી રહી છે આવક

રાજકોટ ખાતે મુખ્યમંત્રી ભૂપેન્દ્ર પટેલે સ્વરોજગાર અને મહિલા સશક્તિકરણને લઈને નિવેદન આપ્યું હતું. તેમણે જણાવ્યું હતું કે ગુજરાતની 30 લાખ બહેનો સ્વરોજગારના માધ્યમથી આવક મેળવી રહી છે.
આ પ્રસંગે રાજ્યના 136 બસ સ્ટેશનો પર ‘ગ્રામ હાટ’નું લોકાર્પણ કરવામાં આવ્યું હતું. આ પહેલના માધ્યમથી ગ્રામ્ય વિસ્તારોની મહિલાઓ અને સ્વરોજગાર સાથે સંકળાયેલા લોકોને પોતાના ઉત્પાદનોના વેચાણ માટે બજાર ઉપલબ્ધ કરાવવાના પ્રયાસને વેગ મળશે.
કાર્યક્રમ દરમિયાન વિકાસલક્ષી 13 સમજૂતી કરારો (MOU) કરવામાં આવ્યા હતા. સાથે જ વિવિધ યોજનાઓના લાભાર્થીઓને સહાયનું વિતરણ પણ કરવામાં આવ્યું હતું.