કાલુપપુરમાં CID Crimeનો ફટાકડાની દુકાનમાં દરોડો: ₹3.5 લાખનો જથ્થો જપ્ત, દુકાન સીલ

અમદાવાદ શહેરના કાલુપુર વિસ્તારમાં આવેલા સાકર બજારમાં CID Crimeની ટીમે એક ફટાકડાની દુકાનમાં તપાસ હાથ ધરી હતી. આ કાર્યવાહી દરમિયાન, આશરે ₹3.5 લાખની કિંમતના ફટાકડા અને 42 જેટલી વિવિધ વેરાયટીનો જથ્થો મળી આવ્યો હતો.

પ્રાપ્ત માહિતી અનુસાર, દુકાનના સંચાલક દ્વારા ફટાકડાના વેચાણ અને સંગ્રહ માટે જરૂરી લાઇસન્સ તેમજ ફાયર સેફ્ટી માટેની NOC (નો ઓબ્જેક્શન સર્ટિફિકેટ) રજૂ કરવામાં આવી ન હતી. આ કારણોસર, CID Crimeની ટીમે કાયદેસરની કાર્યવાહી કરીને દુકાનને સીલ કરી દીધી હતી.

આગામી સમયમાં આવનાર તહેવારોને ધ્યાનમાં રાખીને, શહેરમાં ફટાકડાના ગેરકાયદે સંગ્રહ અને વેચાણ સામે કડક કાર્યવાહી કરવામાં આવી રહી છે. આ પ્રકારના ચેકિંગ અને દરોડાઓનું પ્રમાણ વધારવામાં આવ્યું છે, જેથી નાગરિકોની સુરક્ષા સુનિશ્ચિત કરી શકાય.