ખાવડા CHC માં સુવિધાઓનો અભાવ: બન્ની પછમ ના રહીશો આરોગ્ય સેવાઓથી વંચિત

ખાવડા કોમ્યુનિટી હેલ્થ સેન્ટર (CHC) માં અપૂરતી સુવિધાઓ અને નર્સિંગ સ્ટાફની અછતને કારણે બન્ની પછમ વિસ્તારના નાગરિકો આરોગ્ય સેવાઓ મેળવવા માટે મુશ્કેલીઓનો સામનો કરી રહ્યા છે. CHC માં જરૂરી તબીબી સાધનોનો અભાવ અને પૂરતા પ્રમાણમાં નર્સિંગ સ્ટાફની ગેરહાજરી દર્દીઓની સારવારમાં અવરોધ ઊભો કરી રહી છે.

આ પરિસ્થિતિ માત્ર ખાવડા CHC પૂરતી મર્યાદિત નથી, પરંતુ કચ્છ જિલ્લાના અનેક કોમ્યુનિટી હેલ્થ સેન્ટરોમાં પણ આવી જ સમસ્યાઓ જોવા મળી રહી છે. અપૂરતા સાધનો અને સ્ટાફના અભાવે દર્દીઓને યોગ્ય અને સમયસર સારવાર મળતી નથી, જેના કારણે તેમની સ્થિતિ વધુ ગંભીર બની શકે છે.

આ મુદ્દે ભીમ આર્મી દ્વારા કચ્છના તમામ આરોગ્ય કેન્દ્રોની મુલાકાત લેવામાં આવી રહી છે અને આરોગ્ય સેવાઓની સુધારણા માટે લડત ચલાવવામાં આવી રહી છે. ભીમ આર્મી દ્વારા કચ્છના જાગૃત નાગરિકોને આહ્વાન કરવામાં આવ્યું છે કે તેઓ સૌ સાથે મળીને કચ્છના આરોગ્ય ક્ષેત્રમાં સુધારા માટે અવાજ ઉઠાવે.ઈકબાલ ભાઈ જત