ધારીના દેવળા ગામમાં સિંહે મોડી રાત્રે પશુનો શિકાર કર્યો, CCTVમાં ઘટના કેદ

અમરેલી: ધારી તાલુકાના દેવળા ગામમાં મોડી રાત્રે એક સિંહે પશુનો શિકાર કર્યો હોવાના અહેવાલો પ્રાપ્ત થયા છે. ઝરમર વરસાદના માહોલ વચ્ચે ગામમાં પ્રવેશેલા સિંહે એક પશુ પર હુમલો કરી તેનો શિકાર કર્યો હતો. આ સમગ્ર ઘટના ગામમાં લાગેલા CCTV કેમેરામાં સ્પષ્ટપણે કેદ થઈ ગઈ છે.

સિંહની ગામમાં અવરજવર થતાં સ્થાનિક પશુપાલકોમાં ચિંતાનો માહોલ જોવા મળી રહ્યો છે. ગ્રામજનોને રાત્રિના સમયે સાવચેતી રાખવા અને જો કોઈ વન્યજીવ દેખાય તો તાત્કાલિક વન વિભાગને જાણ કરવા માટે અપીલ કરવામાં આવી છે.

આ ઘટનાએ ફરી એકવાર જંગલ વિસ્તારોની નજીક રહેતા ગામડાઓમાં વન્યજીવોના ભય અને સુરક્ષાના પ્રશ્નોને ઉજાગર કર્યા છે.