નખત્રાણા ના નાગવીરી ગામમાં CC રોડના નિર્માણમાં ભ્રષ્ટાચારના આક્ષેપ

નખત્રાણા ના નાગવીરી ગામમાં 6 મહિના પહેલા બનાવવામાં આવેલ CC રોડની હાલત અંગે નાગરિકો દ્વારા ગંભીર આક્ષેપ કરવામાં આવ્યા છે. સ્થાનિક નાગરિક હરેશભાઇ ગઢવીએ જણાવ્યું છે કે કોન્ટ્રાક્ટર દ્વારા નિર્માણમાં સીમેન્ટનો ઉપયોગ ઑછો કરવામાં આવ્યો હતો, જેની જગ્યાએ ગુણવત્તાવાળી સામગ્રીની જરૂર હતી.

હરેશભાઇએ જણાવ્યું કે, છ મહિના પછી CC રોડની સ્થિતિ ખરાબ થઈ ગઈ છે અને હવે ત્યાં માત્ર કાંકરી જ દેખાય છે. આથી, તેમણે ગ્રામ પંચાયત અને કોન્ટ્રાક્ટર સામે ભ્રષ્ટાચારના આક્ષેપો ઉઠાવ્યા છે.

આ સમસ્યાને લઈને નાગરિકોમાં ભારે અસંતોષ જોવા મળી રહ્યો છે. આ મુદ્દે યોગ્ય કાર્યવાહી કરવાની માંગ કરી રહ્યા છે, જેથી તેમને સારી સડક પ્રાપ્ત થઈ શકે.