Health
चंद्रपूरच्या कॅन्सर केअर फाउंडेशन हॉस्पिटलवर रॅन्समवेअर हल्ला, 1.23 बिटकॉइनची खंडणी
चंद्रपूर येथील कॅन्सर केअर फाउंडेशन हॉस्पिटलवर रॅन्समवेअर हल्ला झाला असून, हॅकर्सनी 1.23 बिटकॉइनची खंडणी मागितली आहे.
चंद्रपूर येथील कॅन्सर केअर फाउंडेशन हॉस्पिटलवर रॅन्समवेअर (Ransomware) सायबर हल्ला झाल्याची धक्कादायक माहिती समोर आली आहे. या कथित सायबर हल्ल्यात रुग्णालयाच्या सर्व्हरमधील महत्त्वपूर्ण डेटा लॉक करण्यात आला असून, तो पुन्हा मिळवण्यासाठी हॅकर्सनी 1.23 बिटकॉइनची खंडणी मागितल्याचे वृत्त आहे.
मिळालेल्या माहितीनुसार, जून महिन्यात रुग्णालयाच्या आयटी विभागाला सर्व्हरमध्ये तांत्रिक अडचण जाणवली. तपासणीदरम्यान सर्व्हरवरील डेटा एन्क्रिप्ट झाल्याचे आणि खंडणीची मागणी करणारा संदेश दिसल्याचे सांगण्यात येते. त्या वेळी 1.23 बिटकॉइनची किंमत अंदाजे 75 ते 80 लाख रुपये असल्याचा दावा करण्यात आला होता.
या हल्ल्यामुळे रुग्णालयाची हॉस्पिटल इन्फॉर्मेशन मॅनेजमेंट सिस्टीम (HIMS) प्रभावित झाली असून, रुग्णांचे वैद्यकीय रेकॉर्ड, तपासणी अहवाल, केमोथेरपीचे वेळापत्रक, ऑपरेशनची माहिती, बिलिंग आणि प्रशासकीय कामकाजावर परिणाम झाला आहे. कर्करोगासारख्या गंभीर आजाराने ग्रस्त असलेल्या रुग्णांसाठी वेळेवर उपचार मिळणे अत्यंत महत्त्वाचे असते, त्यामुळे डिजिटल यंत्रणेवरील सायबर हल्ला अत्यंत गंभीर बाब मानली जाते.
या घटनेच्या पार्श्वभूमीवर रुग्णालय प्रशासनाने रामनगर पोलीस आणि सायबर यंत्रणेशी संपर्क साधला असून, हल्ल्याचा स्रोत काय होता, रुग्णांचा वैयक्तिक डेटा चोरीला गेला आहे का आणि यामागे आंतरराष्ट्रीय सायबर टोळीचा सहभाग आहे का, याची सखोल चौकशी सुरू करण्यात आली आहे. या घटनेमुळे रुग्णालयांमधील डिजिटल माहितीच्या सुरक्षेबाबत पुन्हा एकदा गंभीर प्रश्न निर्माण झाले आहेत.
मिळालेल्या माहितीनुसार, जून महिन्यात रुग्णालयाच्या आयटी विभागाला सर्व्हरमध्ये तांत्रिक अडचण जाणवली. तपासणीदरम्यान सर्व्हरवरील डेटा एन्क्रिप्ट झाल्याचे आणि खंडणीची मागणी करणारा संदेश दिसल्याचे सांगण्यात येते. त्या वेळी 1.23 बिटकॉइनची किंमत अंदाजे 75 ते 80 लाख रुपये असल्याचा दावा करण्यात आला होता.
या हल्ल्यामुळे रुग्णालयाची हॉस्पिटल इन्फॉर्मेशन मॅनेजमेंट सिस्टीम (HIMS) प्रभावित झाली असून, रुग्णांचे वैद्यकीय रेकॉर्ड, तपासणी अहवाल, केमोथेरपीचे वेळापत्रक, ऑपरेशनची माहिती, बिलिंग आणि प्रशासकीय कामकाजावर परिणाम झाला आहे. कर्करोगासारख्या गंभीर आजाराने ग्रस्त असलेल्या रुग्णांसाठी वेळेवर उपचार मिळणे अत्यंत महत्त्वाचे असते, त्यामुळे डिजिटल यंत्रणेवरील सायबर हल्ला अत्यंत गंभीर बाब मानली जाते.
या घटनेच्या पार्श्वभूमीवर रुग्णालय प्रशासनाने रामनगर पोलीस आणि सायबर यंत्रणेशी संपर्क साधला असून, हल्ल्याचा स्रोत काय होता, रुग्णांचा वैयक्तिक डेटा चोरीला गेला आहे का आणि यामागे आंतरराष्ट्रीय सायबर टोळीचा सहभाग आहे का, याची सखोल चौकशी सुरू करण्यात आली आहे. या घटनेमुळे रुग्णालयांमधील डिजिटल माहितीच्या सुरक्षेबाबत पुन्हा एकदा गंभीर प्रश्न निर्माण झाले आहेत.