अथणीतील देशपांडे नगर येथे दुर्गा माता दौडचा पहिला दिवस उत्साहात संपन्न

अथणी शहरातील देशपांडे नगर परिसरातील शिवाजी सर्कल येथे दुर्गा माता दौडचा पहिला दिवस उत्साहात पार पडला. या उपक्रमात परिसरातील महिला आणि तरुणाई मोठ्या संख्येने सहभागी झाली होती.

सकाळपासूनच या दौडीची तयारी सुरू होती. दुर्गा मातेचा जयघोष करत महिलांनी हातात भगवे झेंडे घेऊन दौड पूर्ण केली. या दौडीमुळे परिसरात एक वेगळाच उत्साह संचारला होता.

स्थानिक नागरिकांनी या उपक्रमाचे कौतुक केले असून, पुढील दिवसांमध्येही हा उत्साह कायम राहील अशी अपेक्षा व्यक्त केली आहे. दुर्गा माता दौड हा या परिसरातील एक महत्त्वाचा धार्मिक आणि सामाजिक उपक्रम ठरला आहे.