અમદાવાદ: AMCનો મોટો નિર્ણય, હવે રેસ્ટોરન્ટમાં ગ્રાહકો રસોડાના દ્રશ્યો જોઈ શકશે

અમદાવાદ મ્યુનિસિપલ કોર્પોરેશન (AMC) દ્વારા ખાદ્ય પદાર્થોની ગુણવત્તા અને સ્વચ્છતા જાળવવા માટે એક મહત્વપૂર્ણ નિર્ણય લેવામાં આવ્યો છે. કોર્પોરેશન દ્વારા શહેરની હજારો રેસ્ટોરન્ટ સંચાલકોને આદેશ આપવામાં આવ્યો છે કે તેઓ તેમના રસોડામાં એવી વ્યવસ્થા કરે જેથી ગ્રાહકો રસોડાના દ્રશ્યો જોઈ શકે.

આ નિર્ણયનો મુખ્ય ઉદ્દેશ્ય રેસ્ટોરન્ટમાં બનતા ખોરાકની શુદ્ધતા અને સ્વચ્છતા અંગે ગ્રાહકોમાં વિશ્વાસ વધારવાનો છે. આ વ્યવસ્થા લાગુ થવાથી ગ્રાહકો સીધી રીતે જોઈ શકશે કે તેમની વાનગીઓ કઈ રીતે અને કેટલી સ્વચ્છતા સાથે તૈયાર કરવામાં આવે છે.

AMCના આ આદેશનું પાલન શહેરની તમામ નાની-મોટી રેસ્ટોરન્ટોએ કરવાનું રહેશે. આ પગલાથી હોટલ અને રેસ્ટોરન્ટ ઉદ્યોગમાં સ્વચ્છતાના ધોરણો વધુ કડક બનશે તેવી અપેક્ષા રાખવામાં આવી રહી છે.