853 యూనిట్ల రక్తదానం.. ఆదిలాబాద్ పోలీసుల సేవాభావం!

అమరవీరుల సంస్మరణ వారోత్సవాల్లో భాగంగా మెగా రక్తదాన శిబిరం
ఆదిలాబాద్: పోలీసు అమరవీరుల సంస్మరణ వారోత్సవాల్లో భాగంగా నిర్వహించిన మెగా రక్తదాన శిబిరానికి విశేష స్పందన లభించింది. ప్రజలు, యువత, మహిళలు, పోలీసు సిబ్బంది స్వచ్ఛందంగా ముందుకొచ్చి మొత్తం 853 యూనిట్ల రక్తాన్ని దానం చేశారు.
జిల్లా ఎస్పీ అఖిల్ మహాజన్ ఐపీఎస్ స్వయంగా రక్తదానం చేసి అందరికీ ఆదర్శంగా నిలిచారు. రక్తదానం చేసిన దాతలకు ప్రశంసాపత్రాలు అందజేసి అభినందించారు.
విధి నిర్వహణలో ప్రాణాలర్పించిన పోలీసు అమరవీరుల త్యాగాలను స్మరించుకుంటూ నిర్వహించిన ఈ కార్యక్రమం ప్రజలకు, పోలీసులకు మధ్య సత్సంబంధాలను మరింత బలోపేతం చేసింది. అత్యవసర సమయాల్లో రక్తం అవసరమైన రోగుల ప్రాణాలను కాపాడేందుకు ప్రతి ఒక్కరూ స్వచ్ఛందంగా రక్తదానం చేయాలని పోలీసులు పిలుపునిచ్చారు.
మహిళలు, యువత పెద్ద సంఖ్యలో పాల్గొనడంతో మెగా రక్తదాన శిబిరం విజయవంతమైంది.