મહુધા વિધાનસભાના પણસોરા-અલીણા-લાડવેલ માર્ગના વિકાસ માટે રાજ્ય સરકાર દ્વારા 84 કરોડ રૂપિયા મંજૂર

મહુધા વિધાનસભા મતવિસ્તારના વિકાસ માટે રાજ્ય સરકાર દ્વારા મહત્વનો નિર્ણય લેવામાં આવ્યો છે. વિસ્તારના પણસોરા, અલીણા અને લાડવેલને જોડતા માર્ગના વિકાસ અને સુધારણા માટે રાજ્ય સરકારે 84 કરોડ રૂપિયાની માતબર રકમ મંજૂર કરી છે.

આ અંગે માહિતી આપતા મહુધા વિધાનસભાના ધારાસભ્ય સંજયસિંહ મહિડાએ જણાવ્યું હતું કે, આ માર્ગના નિર્માણ માટે તેમના દ્વારા સતત પ્રયાસો અને રજૂઆતો કરવામાં આવી હતી. ધારાસભ્યની આ રજૂઆતોને રાજ્ય સરકાર દ્વારા સકારાત્મક પ્રતિસાદ મળતા હવે આ પ્રોજેક્ટ માટે જરૂરી નાણાકીય મંજૂરી મળી ગઈ છે.

આ માર્ગના વિકાસથી સ્થાનિક નાગરિકોને અવરજવરમાં મોટી રાહત મળશે અને પરિવહન વ્યવસ્થા વધુ સુદ્રઢ બનશે. સરકારની આ મંજૂરી બાદ હવે આગામી સમયમાં રસ્તાના કામગીરીની પ્રક્રિયા શરૂ કરવામાં આવશે.