Crime
விருதுநகரில் நள்ளிரவு கொடூரம்: 82 வயது மூதாட்டியின் காதை அறுத்து 11 பவுன் நகை கொள்ளை!
விருதுநகர் மாவட்டம், பாண்டியன்கோட்டை கிராமத்தில் நள்ளிரவு வீட்டுக்குள் நுழைந்த மர்ம நபர்கள், 82 வயது மூதாட்டியின் காதை அறுத்து 11 பவுன் தங்க நகைகளைக் கொள்ளையடித்து தப்பிச் சென்றுள்ளனர்.
விருதுநகர் மாவட்டம், அ.முக்குளம் அருகே உள்ள எம்.பறையன்குளம் பாண்டியன்கோட்டை கிராமத்தில் நேற்று நள்ளிரவு மர்ம நபர்களால் நடத்தப்பட்ட கொடூர கொள்ளை சம்பவம் பெரும் பரபரப்பை ஏற்படுத்தியுள்ளது. நள்ளிரவு சுமார் 12 மணி அளவில் வீட்டுக்குள் அத்துமீறி நுழைந்த அடையாளம் தெரியாத நபர்கள், 82 வயது மூதாட்டி அணிந்திருந்த நகைகளைப் பறிக்க முயன்றனர். மூதாட்டி கூச்சலிட, கொடூர மனப்பான்மை கொண்ட அக்கிரமிப்பாளர்கள் அவர் காதில் அணிந்திருந்த 7 பவுன் 'சவரி' நகை மற்றும் கழுத்தில் இருந்த 4 பவுன் தங்கச் சங்கிலி என மொத்தம் 11 பவுன் தங்க நகைகளை காதோடு சேர்த்து அறுத்துக் கொண்டு தப்பி ஓடிவிட்டனர்.
பாதிக்கப்பட்டவர் எம்.பறையன்குளம் பாண்டியன்கோட்டை கிராமத்தைச் சேர்ந்த முத்துக்கருப்பாயி அம்மாள் (வயது 82). நேற்று இரவு வழக்கம்போல் வீட்டில் தூங்கிக் கொண்டிருந்தபோது இந்த சம்பவம் நடந்துள்ளது. சம்பவம் நடந்த கிராமத்தின் ஒரு பகுதி சிவகங்கை மாவட்ட எல்லையிலும், மறு பகுதி விருதுநகர் மாவட்ட எல்லையிலும் அமைந்துள்ளது. மூதாட்டியின் வீடு விருதுநகர் மாவட்ட எல்லைக்குட்பட்டதால், தகவல் அறிந்த அ.முக்குளம் காவல் நிலையப் போலீசார் உடனடியாக சம்பவ இடத்திற்கு விரைந்து வந்தனர். தடய அறிவியல் நிபுணர்கள் மற்றும் மோப்ப நாய் வரவழைக்கப்பட்டு, கொள்ளையர்களின் தடயங்களைச் சேகரித்து தீவிரமாகத் தேடி வருகின்றனர்.
காதில் பலத்த காயமடைந்த மூதாட்டி முத்துக்கருப்பாயி உடனடியாக மீட்கப்பட்டு, சிகிச்சைக்காக மதுரை அரசு ராஜாஜி மருத்துவமனையில் அனுமதிக்கப்பட்டுள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது. சமீபகாலமாக விருதுநகர் மாவட்டம் மற்றும் இதன் எல்லைப் பகுதிகளில் தொடர்ந்து கொலை, கொள்ளை போன்ற குற்றச் சம்பவங்கள் அதிகரித்து வருவதால், அப்பகுதி பொதுமக்கள் கடும் பீதியிலும் அச்சத்திலும் ஆழ்ந்துள்ளனர். குற்றவாளிகளை உடனடியாகக் கைது செய்து, அப்பகுதியில் காவல்துறை ரோந்துப் பணியைத் தீவிரப்படுத்த வேண்டும் என கிராம மக்கள் கோரிக்கை விடுத்துள்ளனர்.
பாதிக்கப்பட்டவர் எம்.பறையன்குளம் பாண்டியன்கோட்டை கிராமத்தைச் சேர்ந்த முத்துக்கருப்பாயி அம்மாள் (வயது 82). நேற்று இரவு வழக்கம்போல் வீட்டில் தூங்கிக் கொண்டிருந்தபோது இந்த சம்பவம் நடந்துள்ளது. சம்பவம் நடந்த கிராமத்தின் ஒரு பகுதி சிவகங்கை மாவட்ட எல்லையிலும், மறு பகுதி விருதுநகர் மாவட்ட எல்லையிலும் அமைந்துள்ளது. மூதாட்டியின் வீடு விருதுநகர் மாவட்ட எல்லைக்குட்பட்டதால், தகவல் அறிந்த அ.முக்குளம் காவல் நிலையப் போலீசார் உடனடியாக சம்பவ இடத்திற்கு விரைந்து வந்தனர். தடய அறிவியல் நிபுணர்கள் மற்றும் மோப்ப நாய் வரவழைக்கப்பட்டு, கொள்ளையர்களின் தடயங்களைச் சேகரித்து தீவிரமாகத் தேடி வருகின்றனர்.
காதில் பலத்த காயமடைந்த மூதாட்டி முத்துக்கருப்பாயி உடனடியாக மீட்கப்பட்டு, சிகிச்சைக்காக மதுரை அரசு ராஜாஜி மருத்துவமனையில் அனுமதிக்கப்பட்டுள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது. சமீபகாலமாக விருதுநகர் மாவட்டம் மற்றும் இதன் எல்லைப் பகுதிகளில் தொடர்ந்து கொலை, கொள்ளை போன்ற குற்றச் சம்பவங்கள் அதிகரித்து வருவதால், அப்பகுதி பொதுமக்கள் கடும் பீதியிலும் அச்சத்திலும் ஆழ்ந்துள்ளனர். குற்றவாளிகளை உடனடியாகக் கைது செய்து, அப்பகுதியில் காவல்துறை ரோந்துப் பணியைத் தீவிரப்படுத்த வேண்டும் என கிராம மக்கள் கோரிக்கை விடுத்துள்ளனர்.