અમદાવાદના વટવા વિસ્તારમાં પોલીસે મેગા નાઇટ કોમ્બિંગ કર્યું, 70 અસામાજિક તત્વો સહિત શકમંદોનું ચેકિંગ

અમદાવાદના વટવા વિસ્તારમાં ગુનાહિત પ્રવૃત્તિઓને રોકવા માટે પોલીસ દ્વારા મેગા નાઇટ કોમ્બિંગનું આયોજન કરવામાં આવ્યું હતું. આ કોમ્બિંગમાં ડીસીપી સહિતના 120થી વધુ પોલીસકર્મીઓએ હિસ્ટ્રીશીટરો અને બુટલેગરો સહિત શકમંદોનું ચેકિંગ કર્યું હતું.

આ કાર્યવાહી દરમિયાન અસામાજિક તત્વો, પ્રોહિબિશન/જુગાર અને ગુનાહિત ઈતિહાસ ધરાવતા 70 અસામાજિક તત્વો, 25 લિસ્ટેડ બુટલેગરો, 2 જુગારના આરોપીઓ અને 62 MCR તથા 30 હિસ્ટ્રીશીટરોનું ચેકિંગ કરવામાં આવ્યું હતું. ઉપરાંત, નાર્કોટિક્સ પ્રવૃત્તિ સાથે સંકળાયેલા 10 આરોપી તેમજ 7 વોન્ટેડ આરોપીઓની તપાસ કરવામાં આવી હતી. જ્યારે 8 તડીપાર આરોપીની ચકાસણી કરવામાં આવી હતી.

વાહન ચેકિંગ દરમિયાન 92 વાહનો તપાસવામાં આવ્યા હતા અને MV એક્ટ મુજબ 2 વાહનો સામે દંડનીય કાર્યવાહી કરાઈ હતી. આ સિવાય દારૂબંધીના 2 કેસ દાખલ કરવામાં આવ્યા છે.