સુરતના ઉધનામાં બેફામ કારનો કહેર: 7થી 8 વાહનોને અડફેટે લીધા, એક કારચાલક ઈજાગ્રસ્ત

સુરત શહેરના ઉધના વિસ્તારમાં રફ્તારનો કહેર જોવા મળ્યો છે. અહીં એક બેફામ ગતિએ આવી રહેલી કારના ચાલકે માર્ગ પરથી પસાર થઈ રહેલા 7થી 8 વાહનોને જોરદાર ટક્કર મારી અડફેટે લીધા હતા. આ અકસ્માતને પગલે ઘટનાસ્થળે ભારે અફરાતફરી મચી ગઈ હતી.

આ ગંભીર અકસ્માતમાં વાહનોને મોટું નુકસાન પહોંચ્યું છે. અકસ્માતની આ ઘટનામાં એક કારચાલકને ઈજા થઈ હોવાના અહેવાલ છે, જેને તાત્કાલિક સારવાર અર્થે હોસ્પિટલ ખસેડવામાં આવ્યો છે.

અકસ્માત સર્જાયા બાદ સ્થાનિક લોકો તાત્કાલિક ઘટનાસ્થળે દોડી આવ્યા હતા અને મદદ માટે આગળ આવ્યા હતા. આ સાથે જ ઘટનાની જાણ થતાં પોલીસ પણ સ્થળ પર પહોંચી ગઈ હતી અને અકસ્માત અંગે આગળની તપાસ શરૂ કરી છે.