બ્રેકિંગ ન્યૂઝ: દીવમાં ફિશિંગ બોટ તીક્ષ્ણ પથ્થરોમાં ફસાઈ, 7 માછીમારોનું સલામત રેસ્ક્યુ

દીવના વણાંકબારા બંદરેથી માછીમારી કરવા નીકળેલી ફિશિંગ બોટ INS ખુખરી મેમોરિયલ નજીક દરિયાકાંઠાના તીક્ષ્ણ પથ્થરો (ભાઠા) પર ફસાઈ ગઈ હતી. બોટમાં પાણી ભરાવવાનું શરૂ થતાં જ તંત્ર એક્શનમાં આવ્યું હતું.

ડેપ્યુટી કલેક્ટર સહિત ફાયર બ્રિગેડની ટીમે જેટસ્કી અને નાની સ્પોર્ટ્સ બોટની મદદથી તમામ 7 માછીમારોને સહીસલામત બહાર કાઢ્યા. ટીમે ઝડપી પગલાં લઈને બોટને સ્થિર કરી અને પાણી ભરાવવાનું રોક્યું.

બધા માછીમારોને કોઈ ઇજા વિના સલામત રીતે બહાર કાઢવામાં આવ્યા અને તેઓને તબીબી તપાસ માટે હોસ્પિટલ લઈ જવામાં આવ્યા. ઘટનાની તપાસ ચાલી રહી છે.