પશ્ચિમ કચ્છ પોલીસે 6 વર્ષથી ફરાર 9 ગુનાના વોન્ટેડ બુટલેગર રાસુભા સોઢાને ઝડપી પાડ્યો

પશ્ચિમ કચ્છ જિલ્લાના અલગ-અલગ પોલીસ સ્ટેશનના 9 પ્રોહીબિશનના ગુનાઓમાં છેલ્લા 6 વર્ષથી ફરાર અને ઇંગ્લિશ દારૂના મોસ્ટ વોન્ટેડ બુટલેગર રાસુભા ઉર્ફે રાસીયો તગજી સોઢાને લોકલ ક્રાઇમ બ્રાન્ચ, ભુજ-કચ્છ પોલીસે ઝડપી પાડ્યો છે. આ બુટલેગર પોલીસને પડકાર ફેંકી રહ્યો હતો અને દારૂની હેરાફેરીમાં સંડોવાયેલો હતો.

IGP ચિરાગ કોરડીયા અને SP વિકાસ સુંડાના માર્ગદર્શન હેઠળ LCBની ટીમે આ આરોપીને પકડવા માટે 15 દિવસ સુધી ખાનગી વેશમાં ખાનાય જંગલ વિસ્તારમાં વોચ ગોઠવી હતી. આ માટે 'ઓપરેશન ખોજ' હાથ ધરવામાં આવ્યું હતું.

27 સપ્ટેમ્બરના રોજ મળેલી ચોક્કસ બાતમીના આધારે પોલીસે ખાનાય સીમમાંથી આરોપી રાસુભા સોઢાને સફળતાપૂર્વક ઝડપી લીધો. આ કાર્યવાહીથી પોલીસ તંત્રમાં ખુશીનો માહોલ છે અને આવા ગુનેગારો સામે કડક કાર્યવાહીનો સંદેશો મળ્યો છે.