વંથલીના શાપુર ગામે જુગારધામ પર પોલીસનો દરોડો: 6 ઇસમો ઝડપાયા

વંથલી પોલીસ સ્ટેશન વિસ્તારમાં આવતા શાપુર ગામે ઓઝાત દરવાજા પાસે જાહેરમાં જુગાર રમાતો હોવાની બાતમી વંથલી પોલીસને મળી હતી. આ બાતમીના આધારે પોલીસે દરોડો પાડીને જુગાર રમતા 6 ઇસમોને રંગેહાથ ઝડપી પાડ્યા હતા.

પોલીસની આ કાર્યવાહી દરમિયાન સ્થળ પરથી જુગારના સાધનો અને રોકડ રકમ મળી કુલ ₹15,410નો મુદ્દામાલ જપ્ત કરવામાં આવ્યો છે. પોલીસે તમામ આરોપીઓ વિરુદ્ધ કાયદેસરની કાર્યવાહી હાથ ધરી છે.

જાહેરમાં ચાલતા આ જુગારધામ પર પોલીસ દ્વારા કરવામાં આવેલી આ આકસ્મિક કાર્યવાહીને પગલે વિસ્તારમાં જુગાર રમતા તત્વોમાં ફફડાટ ફેલાઈ ગયો છે.