સુરતના ડુમસ વિસ્તારમાં દારૂ પાર્ટી પર પોલીસનો દરોડો: 6 વેપારીઓની ધરપકડ

સુરતના ડુમસ પોલીસ સ્ટેશનની હદમાં ફરી એકવાર દારૂની મહેફિલ ઝડપાઈ છે. ડુમસ વિસ્તારમાં આવેલા રાજહંસ બેલીઝાના બી ટાવરના ફ્લેટ નંબર 1317માં કેટલાક લોકો દારૂ પાર્ટી કરી રહ્યા હોવાની ચોક્કસ બાતમી પોલીસને મળી હતી.

આ બાતમીના આધારે પોલીસે તાત્કાલિક કાર્યવાહી હાથ ધરીને ફ્લેટ પર દરોડો પાડ્યો હતો. પોલીસની આ કાર્યવાહી દરમિયાન ફ્લેટમાંથી દારૂની 14 બોટલ મળી આવી હતી. પોલીસે સ્થળ પરથી દારૂની સાથે 8 મોબાઈલ ફોન અને એક કાર સહિતનો મુદ્દામાલ જપ્ત કર્યો છે.

આ દારૂ પાર્ટીમાં સામેલ 6 વેપારીઓની પોલીસે ધરપકડ કરી છે. હાલ ડુમસ પોલીસ દ્વારા આ મામલે આગળની કાયદેસરની કાર્યવાહી હાથ ધરવામાં આવી છે.