પાલેજ રેલવે સ્ટેશન પર વરલી મટકાનો જુગાર રમતા 6 ઝડપાયા, 25,030 રૂપિયાનો મુદ્દામાલ કબજે

ભરૂચ રેલવે પોલીસ દ્વારા પાલેજ રેલવે સ્ટેશન વિસ્તારમાં જુગારની પ્રવૃત્તિઓ પર બાતમીના આધારે દરોડા પાડવામાં આવ્યા હતા. આ દરોડા દરમિયાન, પોલીસે વરલી મટકાનો જુગાર રમતા છ ઈસમોને રંગેહાથ ઝડપી પાડ્યા હતા.

પોલીસે ઝડપાયેલા ઈસમો પાસેથી રોકડા રૂપિયા અને જુગાર રમવા માટે ઉપયોગમાં લેવાતી અન્ય સામગ્રી મળી કુલ 25,030 રૂપિયાનો મુદ્દામાલ કબજે કર્યો છે. પોલીસે તમામ છ ઈસમો વિરુદ્ધ જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.

આ કાર્યવાહીથી રેલવે સ્ટેશન અને તેની આસપાસના વિસ્તારોમાં જુગાર રમતા અન્ય ઈસમોમાં પણ ફફડાટ મચી જવા પામ્યો છે. રેલવે પોલીસે આવા ગેરકાયદેસર પ્રવૃત્તિઓ સામે કડક કાર્યવાહી કરવાની ખાતરી આપી છે.