લાઠી-ગારીયાધાર વચ્ચે 5.5 કરોડની ડામર રોડ માટે મંજૂરી, ભાલવાવથી મોટી વાવડી સુધી નોનપ્લાન માર્ગનું નિર્માણ

લાઠી-બાબરા-દામનગર વિધાનસભા મતવિસ્તારમાં વિકાસના કામો સતત વેગ પામતા, લાઠી તાલુકાના ભાલવાવ ગામથી ગારીયાધારનાં મોટી વાવડી ગામ સુધીનો માર્ગ માટે રૂ. 5.50 કરોડની મંજૂરી પ્રાપ્ત થઈ છે.

લોકપ્રિય ધારાસભ્ય જનક તળાવીયાના સઘન પ્રયાસો અને અસરકારક રજૂઆતોના પરિણામે નોનપ્લાન ડામર રોડનું નિર્માણ શક્ય બન્યું, જે ગામલોકો માટે લાંબા સમયથી કાચા માર્ગની સમસ્યાનો સમાધાન કરશે.

ભાલવાવથી મોટી વાવડી સુધીનો કાચો માર્ગ ચોમાસામાં ખાસ કરીને અવરજવરમાં મુશ્કેલીઓ પેદા કરતો હતો; હવે પાકા ડામર રોડથી ગારીયાધાર તરફ જવા-આવવા માટે સુરક્ષિત અને સુગમ માર્ગ મળશે.

ખેડૂત, વિદ્યાર્થી, વેપારી અને અન્ય ગ્રામજનોને રોજિંદી મુસાફરીમાં સીધો લાભ મળશે, તેમજ બે તાલુકા વચ્ચેની કનેક્ટિવિટી મજબૂત થશે.

મંજૂરી માટે ગ્રામજનો ધારાસભ્ય જનક તળાવીયાનો આભાર વ્યક્ત કરે છે.