અમદાવાદ: રખિયાલ પોલીસે 519.8 ગ્રામ ગાંજા સાથે બે શખ્સોને ઝડપી પાડ્યા

અમદાવાદની રખિયાલ પોલીસે નશીલા પદાર્થોના વેચાણ અને હેરાફેરી સામે કડક કાર્યવાહી હાથ ધરી છે. આ અભિયાન દરમિયાન પોલીસે 519.8 ગ્રામ ગાંજાનો જથ્થો ઝડપી પાડ્યો છે, જેની અંદાજિત કિંમત ₹25,950 આંકવામાં આવી છે.

પોલીસની તપાસમાં બે આરોપીઓની ધરપકડ કરવામાં આવી છે. દરોડા દરમિયાન પોલીસે ગાંજા ઉપરાંત બે મોબાઇલ ફોન જેની કિંમત ₹15,000 અને રોકડ રકમ ₹18,780 મળી કુલ ₹59,730નો મુદ્દામાલ કબજે કર્યો છે.

પકડાયેલા બંને આરોપીઓ વિરુદ્ધ પોલીસે NDPS એક્ટ હેઠળ ગુનો નોંધીને કાયદેસરની કાર્યવાહી શરૂ કરી છે. હાલમાં પોલીસ દ્વારા આ મામલે વધુ તપાસ હાથ ધરવામાં આવી રહી છે જેથી ગાંજાનો આ જથ્થો ક્યાંથી લાવવામાં આવ્યો હતો અને કોને વેચવાનો હતો તે અંગેની વિગતો મેળવી શકાય.