અંકલેશ્વરમાં ગૌવંશ કતલ રેકેટનો પર્દાફાશ: 510 કિલો ગૌમાંસ અને સાધનો જપ્ત, 5 ઝડપાયા

અંકલેશ્વરના પાનોલી ગામના ટેકરા ફળીયા વિસ્તારમાં પોલીસે બાતમીના આધારે એક મોટા દરોડામાં ગૌવંશની કતલના રેકેટનો પર્દાફાશ કર્યો છે. આ કાર્યવાહી દરમિયાન પોલીસે 510 કિલો જેટલું ગૌમાંસ જપ્ત કર્યું છે. આ ઉપરાંત, પોલીસે એક જીવતો બળદ અને એક ગાયને પણ બચાવી લીધા હતા.

પોલીસે ઘટનાસ્થળેથી કુલ ₹82,700 રૂપિયાનો મુદ્દામાલ જપ્ત કર્યો છે. જપ્ત કરાયેલા સાધનોમાં ગૌવંશની કતલ માટે ઉપયોગમાં લેવાતા વિવિધ સાધનો, છરા, છરીઓ અને એક ઈલેક્ટ્રિક વજનકાંટોનો સમાવેશ થાય છે.

પોલીસે આ રેકેટમાં સામેલ 5 આરોપીઓને ઘટનાસ્થળેથી જ રંગે હાથે ઝડપી પાડ્યા હતા. પોલીસે તેમની સામે કાયદેસરની કાર્યવાહી હાથ ધરી છે. ગૌરક્ષકો અને પોલીસની સતર્કતાના કારણે નિર્દોષ પશુઓના જીવ બચાવવામાં સફળતા મળી છે.