ભરૂચમાં એક્ઝિબિશનમાં 50% વધારાની કિંમતે પાણીની બોટલ વેચાણ

ભરૂચના દૂધધારા ડેરી ગ્રાઉન્ડમાં બહારથી આવતા એક્ઝિબિશનમાં "ભારે ડિસ્કાઉન્ટ"નું નામ લઈને વસ્તુઓ વેચવામાં આવી હતી.. જો કે ગ્રાહકોનું કહેવું છે કે સામાન્ય પાણીની બોટલ પણ MRP 20 રૂપિયાની હોવા છતાં 30 રૂપિયાની કિંમતે વેચાઈ રહી હતી.

ગ્રાહકો દ્વારા લેવામાં આવેલા વિડીયોમાં સ્પષ્ટ દેખાય છે કે વેચાણકારોએ MRP કરતા 50 ટકા વધારે ભાવ વસૂલી રહ્યા હતા. આ વિડિઓ સોશિયલ મીડિયા પર ઝડપથી ફેલાઈ રહ્યો છે અને ગ્રાહકોમાં આક્રોશ પેદા થઇ રહ્યો છે.

વેચાણકારનું ખુલ્લુ કહેવું હતું કે "અમે આ સ્ટોલ મફતમાં નથી લીધા, સ્ટોલનું ભારે ભાડું આપેલું છે" અને ગ્રાહકોને સ્ટોલના માલિક સંદીપભાઈ સાથે વાત કરવા કહ્યું હતું.

આ ઘટનાએ ઉપભોક્તા અધિકારો અને ન્યાયિક કાર્યવાહી અંગે ચર્ચા શરૂ કરી છે, અને સ્થાનિક અધિકારીઓને આ પ્રકારની ખોટી કિંમત નક્કી કરવાની પ્રથા સામે કડક પગલાં લેવા માટે વિનંતી કરવામાં રહી છે.