🔥 TRENDING ಜನನುಡಿ 2026 ಕಾರ್ಯಕ್ರಮ ಸಭೆ ಹಾಗೂ ಪೋಸ್ಟರ್... Film "Merri Boys" Secures Release Wind... Manipur greets Youth Olympic gold meda... Kuki Inpi Demands Separate Administrat... Manipur approves 100‑seat medical coll... Agartala to Host NEOGSCON 2026 Women’s...
18 Nov 2026•
ગુજરાતી मराठी ਪੰਜਾਬੀ বাংলা

5ನೇ ವಾರ್ಡಿನ ಸಮಸ್ಯೆಗಳ ಪರಿಹಾರಕ್ಕೆ ಕರ್ನಾಟಕ ಜನಪರ ಹೋರಾಟ ಸಮಿತಿಯಿಂದ ಪುರಸಭೆ ಅಧಿಕಾರಿಗಳಿಗೆ ತೀವ್ರ ಒತ್ತಾಯ - 8 ನೀರಿನ ಗೊಮ್ಮೆ ದುರಸ್ತಿ, ಎಲ್‌ಇಡಿ ಬೀದಿ ದೀಪ ಅಳವಡಿಕೆಗೆ ಆಗ್ರಹ - ನಾಳೆಯಿಂದಲೇ ದೀಪ ಅಳವಡಿಕೆ ಕಾರ್ಯಕ್ಕೆ ಚಾಲನೆಗೆ ಭರವಸೆ

✍️ Reporter: Ningappa 🗓 18 Nov 2026, 09:52 PM 👁 11
Share: 💬 WhatsApp 📘 Facebook 𝕏 Post

5ನೇ ವಾರ್ಡಿನ ಸಮಸ್ಯೆಗಳ ಪರಿಹಾರಕ್ಕೆ ಕರ್ನಾಟಕ ಜನಪರ ಹೋರಾಟ ಸಮಿತಿಯಿಂದ ಪುರಸಭೆ ಅಧಿಕಾರಿಗಳಿಗೆ ತೀವ್ರ ಒತ್ತಾಯ - 2 ತಿಂಗಳ ಹಿಂದಿನ ಮನವಿ, ಚರಂಡಿ ಸ್ವಚ್ಛತೆ ಮಾತ್ರ - 8 ನೀರಿನ ಗೊಮ್ಮೆ ದುರಸ್ತಿ, ಎಲ್‌ಇಡಿ ಬೀದಿ ದೀಪ ಅಳವಡಿಕೆ ಬಾಕಿ - ತಕ್ಷಣ 2-3 ಗೊಮ್ಮೆ ಚಾಲನೆಗೆ ಆಗ್ರಹ - ನಾಳೆಯಿಂದಲೇ ದೀಪ ಅಳವಡಿಕೆಗೆ ಅಧಿಕಾರಿಗಳ ಭರವಸೆ

5ನೇ ವಾರ್ಡಿನ ಸಮಸ್ಯೆಗಳ ಪರಿಹಾರಕ್ಕೆ ಕರ್ನಾಟಕ ಜನಪರ ಹೋರಾಟ ಸಮಿತಿಯಿಂದ ಪುರಸಭೆ ಅಧಿಕಾರಿಗಳಿಗೆ ತೀವ್ರ ಒತ್ತಾಯ

ಲಿಂಗಸುಗೂರು, ನವೆಂಬರ್ 18:
ಕರ್ನಾಟಕ ಜನಪರ ಹೋರಾಟ ಸಮಿತಿ, ಲಿಂಗಸುಗೂರು ತಾಲೂಕು ಸಮಿತಿಯಿಂದ ಇಂದು ಪುರಸಭೆಯ ಅಧಿಕಾರಿಗಳನ್ನು ಭೇಟಿಯಾಗಿ 5ನೇ ವಾರ್ಡಿನ ಮೂಲಭೂತ ಸೌಕರ್ಯಗಳ ಸಮಸ್ಯೆಗಳನ್ನು ಶೀಘ್ರವಾಗಿ ಬಗೆಹರಿಸುವಂತೆ ಮೌಖಿಕವಾಗಿ ಬಲವಾದ ಒತ್ತಾಯ ಮಾಡಲಾಯಿತು.

ಸುಮಾರು ಎರಡು ತಿಂಗಳ ಹಿಂದೆ ನಮ್ಮ ಸಮಿತಿಯಿಂದ ಪುರಸಭೆಗೆ ಮನವಿ ಸಲ್ಲಿಸಲಾಗಿತ್ತು. ಆ ಮನವಿಯ ಪರಿಣಾಮವಾಗಿ ಎರಡು ವಾರಗಳ ಹಿಂದೆ ಪುರಸಭೆಯ ಪೌರಕಾರ್ಮಿಕರಿಂದ ವಾರ್ಡಿನಲ್ಲಿ ಚರಂಡಿ ಸ್ವಚ್ಛತಾ ಕಾರ್ಯ ಕೈಗೊಳ್ಳಲಾಗಿತ್ತು.

ಆದರೆ, ನಮ್ಮ ಮನವಿಯಲ್ಲಿ ಪ್ರಮುಖವಾಗಿ ಉಲ್ಲೇಖಿಸಿದ್ದ 5ನೇ ವಾರ್ಡಿನ ಎಂಟು ನೀರಿನ ಗೊಮ್ಮೆಗಳನ್ನು ದುರಸ್ತಿಗೊಳಿಸಿ ಸಾರ್ವಜನಿಕರ ಬಳಕೆಗೆ ಚಾಲನೆ ನೀಡುವುದು ಹಾಗೂ ವಾರ್ಡಿನ ಎಲ್ಲಾ ರಸ್ತೆಗಳಲ್ಲಿ ಹೊಸ ಎಲ್‌ಇಡಿ ಬೀದಿ ದೀಪಗಳನ್ನು ಅಳವಡಿಸುವುದು ಸೇರಿದಂತೆ ಹಲವು ಬೇಡಿಕೆಗಳು ಇನ್ನೂ ಈಡೇರಿಲ್ಲ.

ಈ ಹಿನ್ನೆಲೆಯಲ್ಲಿ ಇಂದು ಸಮಿತಿಯ ಪದಾಧಿಕಾರಿಗಳು ಅಧಿಕಾರಿಗಳನ್ನು ತೀವ್ರವಾಗಿ ಪ್ರಶ್ನಿಸಿ, ತಕ್ಷಣವೇ ತಾತ್ಕಾಲಿಕವಾಗಿ ಕನಿಷ್ಠ ಎರಡು-ಮೂರು ನೀರಿನ ಗೊಮ್ಮೆಗಳನ್ನು ಚಾಲನೆಗೊಳಿಸಬೇಕು ಹಾಗೂ 5ನೇ ವಾರ್ಡಿನ ಎಲ್ಲಾ ಪ್ರದೇಶಗಳಲ್ಲಿ ಬೀದಿ ದೀಪಗಳನ್ನು ಅಳವಡಿಸಬೇಕು ಎಂದು ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ಅಧಿಕಾರಿಗಳಾದ ಶಿವಲಿಂಗ ಸರ್ ಹಾಗೂ ಬಸವರಾಜ್ ಜೈ ಅವರು ಸಮಿತಿಯ ಮನವಿಗೆ ಸ್ಪಂದಿಸಿ, ನಾಳೆಯಿಂದಲೇ ಬೀದಿ ದೀಪಗಳ ಅಳವಡಿಕೆ ಕಾರ್ಯಕ್ಕೆ ಚಾಲನೆ ನೀಡಲಾಗುವುದು ಹಾಗೂ ವಾರ್ಡಿನ ಎಲ್ಲಾ ಸಮಸ್ಯೆಗಳನ್ನು ಹಂತ ಹಂತವಾಗಿ ಬಗೆಹರಿಸಲಾಗುವುದು ಎಂದು ಭರವಸೆ ನೀಡಿದರು.

ಸಮಿತಿಯ ಪ್ರಮುಖ ಒತ್ತಾಯಗಳು:
1. 5ನೇ ವಾರ್ಡಿನ ಎಂಟು ನೀರಿನ ಗೊಮ್ಮೆಗಳನ್ನು ದುರಸ್ತಿಗೊಳಿಸಿ ಚಾಲನೆ ನೀಡಬೇಕು.
2. ತಕ್ಷಣವೇ ಕನಿಷ್ಠ ಎರಡು-ಮೂರು ಗೊಮ್ಮೆಗಳನ್ನು ಸಾರ್ವಜನಿಕರ ಬಳಕೆಗೆ ಒದಗಿಸಬೇಕು.
3. ವಾರ್ಡಿನ ಎಲ್ಲಾ ರಸ್ತೆಗಳಲ್ಲಿ ಹೊಸ ಎಲ್‌ಇಡಿ ಬೀದಿ ದೀಪಗಳನ್ನು ಅಳವಡಿಸಬೇಕು.
4. ವಾರ್ಡಿನ ಬಾಕಿ ಉಳಿದಿರುವ ಮೂಲಭೂತ ಸೌಕರ್ಯಗಳ ಸಮಸ್ಯೆಗಳನ್ನು ಶೀಘ್ರವಾಗಿ ಬಗೆಹರಿಸಬೇಕು.
📲Get App