ગીર ગઢડાના ધોકડવા ગામની વાડીના કુવામાંથી 5 વર્ષના સિંહનો મૃતદેહ મળી આવ્યો

ગીર પૂર્વ વનવિભાગ હેઠળ આવતા ઉનાના ગીર ગઢડા તાલુકાના ધોકડવા ગામે એક દુઃખદ ઘટના સામે આવી છે. અહીં એક વાડીમાં આવેલા કુવામાંથી આશરે 5 વર્ષના નર સિંહનો મૃતદેહ મળી આવ્યો છે.

મૃતક સિંહનો દેહ કોહવાયેલી હાલતમાં મળી આવ્યો હતો, જે સૂચવે છે કે આ ઘટના થોડા દિવસ પહેલા બની હોઈ શકે છે. કુવામાંથી સિંહનો મૃતદેહ મળી આવતા સ્થાનિકોમાં ચકચાર મચી ગઈ હતી.

ઘટનાની જાણ થતા જ ગીર પૂર્વ વનવિભાગની ટીમ તાત્કાલિક ઘટનાસ્થળે પહોંચી હતી. વનવિભાગના અધિકારીઓ દ્વારા મૃતદેહને કુવામાંથી બહાર કાઢીને પોસ્ટમોર્ટમની કાર્યવાહી હાથ ધરવામાં આવી છે, જેથી સિંહના મોતનું ચોક્કસ કારણ જાણી શકાય.