અંકલેશ્વર અને હાંસોટના 5 પોલીસ સ્ટેશનનો કરોડોનો દારૂનો જથ્થો બુલડોઝર નીચે કચડાયો

અંકલેશ્વર અને હાંસોટના વિવિધ પોલીસ સ્ટેશન દ્વારા અલગ-અલગ કેસોમાં જપ્ત કરવામાં આવેલા વિદેશી દારૂના જથ્થાનો નિકાલ કરવામાં આવ્યો છે. વહીવટી તંત્રની દેખરેખ હેઠળ આ કાર્યવાહી હાથ ધરવામાં આવી હતી.

આ કાર્યવાહી અંતર્ગત કુલ 5 પોલીસ સ્ટેશનના દારૂના જથ્થા પર બુલડોઝર ફેરવી દેવામાં આવ્યું હતું. જપ્ત કરાયેલા આ દારૂના જથ્થાની અંદાજિત બજાર કિંમત 4 કરોડ રૂપિયાથી વધુ હોવાનું સામે આવ્યું છે.

પોલીસ દ્વારા કાયદાકીય પ્રક્રિયા પૂર્ણ કર્યા બાદ આ દારૂના જથ્થાનો નાશ કરવામાં આવ્યો છે. આ પ્રકારની કાર્યવાહીથી નશાબંધીના કાયદાનું કડક પાલન સુનિશ્ચિત કરવામાં આવ્યું છે.