મોડાસાના કુડોલ-જીતપુર નજીક ટ્રેક્ટર ઝાડ સાથે અથડાતા વૃદ્ધનું મોત, 5 મજૂરો ઈજાગ્રસ્ત

મોડાસાના કુડોલ-જીતપુર નજીક એક ગંભીર અકસ્માતની ઘટના સામે આવી છે. ટ્રેક્ટર ચાલકે વાહન પરથી કાબૂ ગુમાવતા ટ્રેક્ટર સીધું જ એક ઝાડ સાથે અથડાયું હતું. આ અકસ્માત એટલો ભયાનક હતો કે ટ્રેક્ટર અને ઝાડની વચ્ચે દબાઈ જવાથી એક વૃદ્ધનું ઘટનાસ્થળે જ કરુણ મોત નીપજ્યું હતું.

આ અકસ્માતમાં ટ્રેક્ટર ચાલક સહિત તેમાં સવાર અન્ય 5 જેટલા મજૂરો પણ ઈજાગ્રસ્ત થયા છે. અકસ્માતની જાણ થતા જ આસપાસના લોકો દોડી આવ્યા હતા અને ઈજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા.

ઘટનાની જાણ થતા ટીટોઈ પોલીસનો કાફલો ઘટનાસ્થળે પહોંચ્યો હતો. પોલીસે બેદરકારીપૂર્વક વાહન ચલાવનાર ટ્રેક્ટર ચાલક વિરુદ્ધ ગુનો નોંધીને કાયદેસરની કાર્યવાહી હાથ ધરી છે.