5 ఎకరాల్లో మక్క పంట ధ్వంసం.. రూ.లక్ష నష్టం

దాబా బి: అడవి పందుల బెడదతో రైతులు తీవ్రంగా నష్టపోతున్నారు. దాబా బి గ్రామానికి చెందిన రైతు గుండాజీ తనకున్న 10 ఎకరాల్లో మక్క పంట సాగు చేయగా, అందులో సుమారు 5 ఎకరాల పంటను అడవి పందులు పూర్తిగా ధ్వంసం చేశాయి.
చేతికందిన పంట కళ్లముందే నాశనం కావడంతో రైతు తీవ్ర ఆవేదన వ్యక్తం చేశాడు. అడవి పందుల దాడితో సుమారు రూ.1 లక్ష వరకు నష్టం వాటిల్లిందని తెలిపారు. ప్రభుత్వం స్పందించి పంట నష్టాన్ని అంచనా వేసి తగిన పరిహారం అందించి ఆదుకోవాలని రైతు కోరారు.