5 વર્ષ અને 11 મહિનાની દ્વિતી નીરવ કતારીયાએ 'ઇન્ડિયા બુક ઓફ રેકોર્ડ્સ'માં ગુજરાત RTO કોડ્સની યાદગીરીથી રાષ્ટ્રીય માન્યતા મેળવી

સુરતની રહેવાસી અને માત્ર 5 વર્ષ અને 11 મહિનાની દ્વિતી નીરવ કતારીયાએ અદ્ભુત સ્મરણશક્તિના બળે 'ઇન્ડિયા બુક ઓફ રેકોર્ડ્સ'માં નામ નોંધાવીને સમગ્ર ગુજરાતનું નામ રોશન કર્યું છે.

દ્વિતીએ માત્ર 1 મિનિટ અને 31 સેકન્ડના અવિશ્વસનીય સમયમાં ગુજરાતના તમામ RTO લોકેશનના કોડ્સ ફાસ્ટેસ્ટ રિકોલ કરીને આ રાષ્ટ્રીય સિદ્ધિ હાંસલ કરી છે.

આ અસાધારણ સફળતા પાછળનું મુખ્ય કારણ દ્વિતીની અનોખી જિજ્ઞાસાવૃત્તિ અને સતત પ્રશ્નો પૂછવાની આદત રહી છે. એકવાર પરિવાર સાથે ટૂર પર જતી વખતે તેણે ગાડીની નંબર પ્લેટ પર નજર નાખી અને રસ્તા પર દોડતી ગાડીઓ પર લખેલા અલગ-અલગ કોડ્સ જોઈને તેનું કુતૂહલ જાગ્યું.

માતા કૃણાલીબેન કતારીયાએ જણાવ્યું હતું કે, એનામાં જિજ્ઞાસાવૃત્તિ વધારે છે અને પ્રશ્ન પૂછવાની આદત વધારે છે.