બિહારના બેતિયામાં છઠ્ઠીના કાર્યક્રમમાં બેકાબૂ બસ ઘૂસી, 5 લોકોના મોત અને 10થી વધુ ઘાયલ

બિહારના બેતિયામાં એક બાળકની છઠ્ઠીના કાર્યક્રમ દરમિયાન ગમખ્વાર અકસ્માત સર્જાયો હતો. ઘરમાં ઉત્સવનો માહોલ હતો અને સગાસંબંધીઓ એકત્રિત થયા હતા. આ દરમિયાન ઘરની બહાર રસ્તાની બાજુમાં ઓર્કેસ્ટ્રાનો કાર્યક્રમ ચાલી રહ્યો હતો, જેમાં લોકો આનંદ માણી રહ્યા હતા.

આ ખુશીના માહોલ વચ્ચે એક ઝડપી બસ અનિયંત્રિત બનીને સીધી કાર્યક્રમ સ્થળમાં ઘૂસી ગઈ હતી. આ અચાનક બનેલી ઘટનાને પગલે સ્થળ પર અફરાતફરી અને દોડધામ મચી ગઈ હતી.

આ દુર્ઘટનામાં 5 લોકોના મોત થયા હોવાના અહેવાલ છે, જ્યારે 10થી વધુ લોકો ગંભીર રીતે ઘાયલ થયા છે. ઈજાગ્રસ્તોને તાત્કાલિક સારવાર માટે હોસ્પિટલ ખસેડવામાં આવ્યા છે.