સુરત મહાનગરપાલિકાની આવાસ યોજનામાં સાયબર ફ્રોડ: 48 વર્ષીય શ્રમિકની 94,671 રૂપિયાની ઠગાઈ

સુરત શહેરમાં સુરત મહાનગરપાલિકાની આવાસ યોજનાના નામે સામાન્ય અને જરૂરિયાતમંદ નાગરિકો સાથે સાયબર ફ્રોડની ઘટનાઓ વધી રહી છે.

સિંગણપોર ગામ વિસ્તારમાં રહેતા અને ગાંધીધામ ખાતે કેફેમાં મજૂરીકામ કરતા 48 વર્ષીય શ્રમિકને SMC આવાસ યોજનામાં ‘સેટિંગ’ કરીને મકાન અપાવી દેવાની લાલચ આપી ગઠિયાએ ટુકડે-ટુકડે કુલ રૂ. 94,671 પડાવી લીધા હોવાનો મામલો સામે આવ્યો છે.

આ અંગે ભોગ બનનાર આધેડે સિંગણપોર પોલીસ મથકમાં ફરિયાદ નોંધાવતા પોલીસે અજાણ્યા ગઠિયા સામે છેતરપિંડી અને આઈટી એક્ટ હેઠળ ગુનો નોંધી વધુ તપાસ હાથ ધરી છે.